ဒေသတွင်း NGO များမှ စာတတ်မြောက်ရေးနှင့် လူထုကျန်းမာရေးစီမံကိန်း နောက်လတွင် စတင်မည်

...

ဒေသတွင်း NGO များမှ စာတတ်မြောက်ရေးနှင့် လူထုကျန်းမာရေးစီမံကိန်း နောက်လတွင် စတင်မည်

Myanmar Times, 12 Sep 2017

URL: https://www.mmtimes.com/news/local-ngo-launch-literacy-public-health-projects-next-month.html
ဒေသတွင်း အစိုးရမဟုတ်သည့်အဖွဲ့အစည်းများသည် စာတတ်မြောက်ရေးနှင့် လူထုကျန်းမာရေးအစီအစဉ်ကို ၂၀၁၇ ခုနှစ် အောက်တိုဘာလမှ ဒီဇင်ဘာလအထိ စတင်လုပ်ဆောင်မည်ဖြစ်ကြောင်း အဖွဲ့အစည်း၏ အကြီးတန်း
လက်ထောက်တစ်ဦးက ပြောခဲ့သည်။

စာတတ်မြောက်ရေးနှင့် ဒေသဖွံ့ဖြိုးတိုးတက်ရေးလုပ်ဆောင်မှုအဖွဲ့မှလည်း ရန်ကုန် ၊ ဧရာဝတီ ၊ မကွေး ၊ တနင်္သာရီ ၊ စစ်ကိုင်းနှင့် ပဲခူး စသည့်တို့မှ မြို့နယ်(၉)မြို့နယ်ရှိ ကျေးလက်ပြည်သူများအတွက် ထိုအစီအစဉ်တွင် ပါဝင်
မည်ဖြစ်သည်ဟု အဖွဲ့အစည်း၏ ဥက္ကဌဖြစ်သူ ဦးမျိုးသန့်က ပြောခဲ့သည်။

“စာတတ်မြောက်ရေးကမ်ပိန်းက ကျေးလက်နေပြည်သူများနဲ့မြို့ပြကျောင်းသားတွေအတွက် မီဒီယာအစီအစဉ်တစ်ခုပဲဖြစ်ပါတယ်။”

မြန်မာနိုင်ငံတွင် ပညာရေးစနစ်အား နှစ်ပေါင်းများစွာ လျစ်လျှူရှုထားသောကြောင့် အရပ်သားအစိုးရသစ်လက်ထက်တွင် စာမတတ်မြောက်ခြင်းသည် အဓိကပြဿနာအဖြစ် ရင်ဆိုင်နေရသည်။

နိုင်ငံတွင် အသက်(၅)နှစ်မှ (၁၆)နှစ်ကြားတွင်ရှိသည့် ကလေး(၂.၇)သန်းသည် ကျောင်းမတက်ရောက်ခြင်း (သို့မဟုတ်)ကျောင်းထွက်ခြင်းရှိပြီး အသက် (၁၅)နှစ်နှင့်အထက် ကလေး(၃.၅)သန်းသည် စာတတ်မြောက်မှုမရှိကြောင်း
ပညာရေးဝန်ကြီးဌာန၏အဆိုအရသိရှိရသည်။

ပညာရေးဝန်ကြီးဌာနလက်အောက်၌ ကျောင်းပြင်ပနှင့်တစ်သက်တာပညာရေးဦးစီးဌာနကို ၂၀၁၆ ခုနှစ် အောက်တိုဘာလတွင် တည်ထောင်ခဲ့သည်။ အစိုးရသစ်လက်ထက်တွင် စတင်တည်ထောင်လိုက်သည့် ဌာနသစ်လည်းဖြစ်
သည်။

ဌာနသည် ကျောင်းပြင်ပနှင့်တစ်သာတာပညာရေး မူဝါဒ၊ မူဘောင်များနှင့်ပတ်သတ်၍ ၂၀၁၆ ခုနှစ် ဒီဇင်ဘာလကတည်းကပင် လုပ်ဆောင်ခဲ့သည်။

ဌာနတည်ထောင်သည့်အချိန်မှစ၍ ကျောင်းပြင်ပနှင့်တစ်သက်တာပညာရေးဦးစီးဌာနသည် ကယားပြည်နယ်နှင့် ရှမ်းပြည်နယ်တောင်ပိုင်း စသည်တို့ရှိ မြို့နယ်အားလုံးတွင် စာတတ်မြောက်ရေးကမ်းပိန်းကို ဦးစီးဦးဆောင်ပြု ဆောင်
ရွက်ခဲ့သည်။ ကမ်ပိန်းတွင် ကယားပြည်နယ်၌ လူ(၃၅၀၀)ကျော်နှင့် ရှမ်းပြည်နယ်တောင်ပိုင်းတွင် လူ(၂၀၀၀၀) ခန့်အား ပို့ချပေးနိုင်ခဲ့သည်။