မိၣ်ကီၢ်စဲၣ်ဂံၢ်ခီၣ်ထံးတၢ်ကူၣ်ဘၣ်ကူၣ်သ့၀ဲၤကျိၤ ဘိးဘၣ်သ့ၣ်ညါ၀ဲလၢ ပဒိၣ်ကၠိလၢဟီၣ်က၀ီၤပူၤ ၈ ဖျၢၣ်, ဟ့ၣ်လီၤ၀ဲခီၣ်ဖၠူၣ်ထၢၣ် ထဲးဘလဲးလၢအ၀ဲသ့ၣ်ကၠိတီၤတဖၣ်, ဒီးဆူညါမုၢ်လၢ်၀ဲလၢကမၤလဲၢ်ထီၣ်တၢ်ရဲၣ်တၢ်ကျဲၤအံၤ
ဒ်သိးကဟ့ၣ်လီၤ၀ဲခီၣ်ဖၠူထၢၣ်ထဲး ဘလဲး ဆူတီၤထီကၠိဖိအါထီၣ်န့ၣ်လီၤ.

"လၢမိၣ်ကီၢ်စဲၣ်ဖဲအံၤ, ကၠိ ၈ ဖျၢၣ်ဘၣ်တၢ်ဟ့ၣ်လီၤ၀ဲကၠိတဖျၢၣ်ခီၣ် ဖၠူထၢၣ်အဖျၢၣ် ၉၉ ဖျၢၣ်လီၤ." ထူမၠ့ၣ်အူ, လၢအမ့ၢ်တၢ်ပၢတၢ်ဆှၢ ပှၤဘၣ်မူဘၣ်ဒါတဂၤ လၢဟီၣ်က၀ီၤဂံၢ်ခီၣ်ထံးတၢ်ကူၣ်ဘၣ်ကူၣ်သ့ ၀ဲၤကျိၤစံး၀ဲလီၤ.

"အခဲအံၤတၢ်စးထီၣ်သိၣ်လိ၀ဲသရၣ်တဖၣ် ကဘၣ်သူခီၣ်ဖၠူထၢၣ် ထဲဘလဲး လၢကၠိအတီၤပူၤဒ်လဲၣ်, ဖဲတီၤထီကၠိတဖျၢၣ်လၢ သါဖၠူၤ စယၣ်န့ၣ်လီၤ. ခီၣ်ဖၠူထၢၣ်ထဲးဘလဲးတဖၣ် တၢ်ကသူအီၤလၢ နွံ တီၤ, ဃိးတီၤ, ဒီးခွံတီၤကၠိတီၤပူၤလီၤ.
ကၠိဖိအဒိၣ်လၢခီလ့းကၠိပ တီၢ်စ့ၢ်ကီး တၢ်ကဟ့ၣ်လီၤအ၀ဲသ့ၣ် ခီၣ်ဖၠူထၢၣ်လၢကသူ၀ဲလၢကၠိ တီၤပူၤအဂီၢ်လီၤ.

အ၀ဲဒၣ်တဲအါထီၣ်၀ဲလၢ, "UNESCO အၢၣ်လီၤ၀ဲလၢကဆီၣ်ထွဲဟ့ၣ်စ့ တၢ်ရဲၣ်တၢ်ကျဲၤအ၀ဲအံၤခံနံၣ်, ၀ံၤအလီၢ်ခံတၢ်ကူၣ်ဘၣ် ကူၣ်သ့၀ဲၤကျိၤ ကဆဲးဆီၣ်ထွဲ၀ဲလီၤ."

လၢတၢ်ကစးထီၣ်ဆိ၀ဲတၢ်ရဲၣ်တၢ်ကျဲၤအံၤ လၢမိၣ်ကီၢ်စဲၣ်ပူၤအဂီၢ်, တၢ်ဃုထၢ၀ဲတီၤထီကၠိတဖျၢၣ်စုာ်စုာ်လၢ ဘံလ့ကီၢ်ဆၣ် ဒီးသၤ ဖၠူၤစယၣ်ကီၢ်ဆၣ်, ဒီးကၠိခံဖျၢၣ်စုာ်စုာ်လၢ ပီၣ်ကီၢ်ဆၣ်, ခၠီစိၤကီၢ်ဆၣ်, ဒီးကၠဲၣ်မရီကီၢ်ဆၣ်တဖၣ်လီၤ.

လၢတၢ်စးထီၣ်တၢ်ရဲၣ်တၢ်ကျဲၤ၀ဲအံၤဖဲ ၂၀၁၆-၁၇ ကၠိနံၣ်လံၤလံၤ, တၢ်ဟ့ၣ်လီၤ၀ဲခီဖၠူထၢၣ်ထဲးဘလဲးလၢကၠိ ၃၁ ဖျၢၣ်အဂီၢ်လၢကီၢ် ပယီၤဒီတဘ့ၣ် လၢတၢ်ကသူ၀ဲလၢအ၀ဲသ့ၣ်ကၠိတီၤပူၤအဂီၢ်လီၤ.