တနီသရံၣ်ကီၢ်ဒိၣ်ပဒိၣ် ဃုာ်ဒီးတၢ်မၤစၢၤလၢကီၢ်ယပၣ် ကွဲးပာ် လီၤ၀ဲတၢ်လဲၤထီၣ်လဲၤထီတၢ်ရဲၣ်တၢ်ကျဲၤမိၢ်ပှၢ် လၢတနီသရံၣ်ကီၢ် ဒိၣ်အဂီၢ်, အဂ့ၢ် တနီသရံၣ်ကိၢ်ဒိၣ်ကိတိာ်ခိၣ်ကျၢၢ် ဒီးက်ထၢၣ်လဲၣ် လဲၣ်မီၤ, စံး၀ဲဖဲလါစဲးပထ့ဘၢၣ် ၈ သီလီၤ.

တၢ်ရဲၣ်တၢ်ကျဲၤမိၢ်ပှၢ်အံၤ ကမၤဆိ၀ဲတၢ်လၢဘၣ်ဃးပီၣ်လဲၣ်, တၢ် ကူၣ်ဘၣ်ကူၣ်သ့, ဒီးတၢ်ခူၣ်စၢၢ်ထးတဖၣ်လီၤ.

"ယဃ့ထီၣ်လၢပှၤယပၣ်ဖိကကွဲးပာ်လီၤန့ၢ်ပှၤ တၢ်ရဲၣ်တၢ်ကျဲၤ မိၢ်ပှၢ်ခံဘျီလီၤ. အခဲအံၤအ၀ဲသ့ၣ်ကွဲးပာ်လီၤန့ၢ်ပှၤတၢ်ရဲၣ်တၢ်ကျဲၤ မိၢ်ပှၢ် လၢတ နီသရံၣ်ကီၢ်ဒိၣ်တၢ်လဲၤထီၣ်လဲၤထီအဂီၢ်လီၤ. တၢ်ရဲၣ်တၢ်ကျဲၤမိၢ်ပှၢ်အံၤ တၢ်ဟ့ၣ်ဂံၢ်ဟ့ၣ်ဘါဆိ၀ဲအါဒၣ်တက့ၢ်လၢ ဘျံး
ဟီၣ်က၀ီၤအဂီၢ်လီၤ. တနီသရံၣ်အိၣ်ဒီးန့ ဆၢၣ်ဂံၢ်ထံး ကံၢ်စီ လၢအလုၢ်ဒိၣ်ပှ့ၤဒိၣ် ဒီးစၢၢ်ထးအလီၢ်အကျဲတဖၣ်လီၤ. ယတအဲၣ်ဒိးနၢ် ဟူပှၤတဲ၀ဲ ဘျံးဟီၣ်က၀ီၤတၢ်ဂၢၢ်တၢ် ကျၢၤတအိၣ်ဘၣ် န့ၣ်ဘၣ်. တမ့ၢ်တၢ်မၤလၢအညီဘၣ်. ယတအဲၣ်ဒိးပတုာ်တၢ်ရဲၣ်တၢ်
ကျဲၤ အံၤခီဖျိတၢ်မၤဆှီၣ်တၢ်မၤပျံၤတၢ်အဃိဘၣ်. အဃိဒီးပ ဘၣ်ဟံးမူဒါလၢတၢ်မၤ၀ဲအံၤအဂီၢ်လီၤ. ယအဲၣ်ဒိးသဆၣ်ထီၣ်သု၀ဲကိးဂၤ ဒဲးလၢ သုကမၤသကိးတၢ်ဃူဃူဖိးဖိးန့ၣ်လီၤ.

"တၢ်ဘုၣ်တၢ်ဖီၣ်မ့ၢ်တၢ်မၤလၢ တၢ်ကမၤဆိ၀ဲလီၤ." အ၀ဲဒၣ်စံးအါ ထီၣ်၀ဲလီၤ.

ထံဂုၤကီၢ်ဂၤတၢ်ဘျၢလီၤစ့လၢ ကီၢ်ဒိၣ်အပူၤအိၣ်စှၤမးဒံးလီၤ. ထံ ဂုၤကီၢ်ဂၤပှၤဘျၢလီၤစ့တဖၣ် ကွၢ်စူၢ်ကယာ်ဒၣ် တၢ်အိၣ်သး အဖၢ လီၤ. အဃိဒီး, ပဒိၣ်မၤတၢ်ဒ်သိးကဒုးနဲၣ်အ၀ဲသ့ၣ်လၢ တၢ်ဘျၢ လီၤစ့လၢကီၢ်ဒိၣ်အပူၤ မ့ၢ်တၢ်လၢအန့ၢ်အထိးနါအါလီၤ.

ပှၤသ့ပှၤဘၣ်ဒီး ပနံာ်တၢ်မၤပှၤဘူၣ်တၢ်ဖိလၢကီၢ်ယပၣ် ဃုသ့ၣ် ညါမၤလိဘၣ်ဃးချိၣ်တံာ်အဂ့ၢ်, ချိၣ်အဂ့ၢ်, ဒီးချိၣ်အကလုာ်က လုာ် လၢဘျံးအကီးတဖၣ် ဒီးကီးလၢအဂၤတဖၣ်လီၤ.