ပှၤကွၢ်ဟုးအသီ ၁၉ ဂၤဖျိထီၣ်အ၀ဲသ့ၣ်တၢ်မၤလိ ဒီးအ၀ဲသ့ၣ်ကမၤစၢၤ ခိခိၣ်တၢ်အိၣ်ဆူၣ်အိၣ်ချ့ကရူၢ် လၢအတိာ်ပာ်ကမၤစှၤ လီၤတၢ်သံတၢ်ပှၢ်လၢတၢ်အိၣ်ဖျဲၣ်ဖိအခါ လၢကညီကီၢ်စဲၣ်န့ၣ်လီၤ.

ပှၤဖျိထီၣ်တၢ်မၤလိ ၁၉ ဂၤအံၤတၢ်ဟ့ၣ်လီၤအ၀ဲသ့ၣ်လံာ်အုၣ်သးဖဲ တၢ်သိၣ်လိပျၢ်အမူး ဖဲလါစဲးပထ့ဘၢၣ် ၆ သီအနံၤလီၤ. ပှၤကွၢ်ဟုးတ ဖၣ်အံၤ မ့ၢ်၀ဲပှၤဃုဖုတဖုလၢအဖျိထီၣ် နွံလါတီၢ်ပူၤတၢ် သိၣ်လိ
လၢဘၣ် တၢ်မၤအီၤခီဖျိ ထၢၣ်ပုချၢဆူၣ် ချ့ပှၤမၤတၢ်ဖိ Backpack Health Worker Team (BPHWT) ဒီးပလိးတၢ် ကူၣ်ဘၣ် ကူၣ်သ့တၢ်လဲၤ ထီၣ်လဲၤထီကရူၢ် Phalon Education Development
Unit (PEDU) န့ၣ်လီၤ.

လၢကီၢ်ပယီၤပိာ်မုၣ်လၢအသံ တၢ်ဂ့ၢ်အါဒၣ်တက့ၢ်ဟဲခီဖျိ်အသးလၢ တၢ်တဘၣ်လီၢ်ဘၣ်စးဖဲတၢ်အိၣ်ဖျဲၣ်ဖိအခါ ဒီးဖဲဒၢအခါလီၤ. လၢဟီၣ် က၀ီၤထံကီၢ်လၢအဘူးအကျါ ကီၢ်ပယီၤမ့ၢ်ထံကီၢ်ခံဘ့ၣ်တဘ့ၣ်,
လၢကီၢ်လါအိၣ်အလီၢ်ခံ,
လၢမိၢ်သံအါဖဲအိၣ်ဖျဲၣ်ဖိအဆၢကတီၢ် လီၤ.


လၢထံကီၢ်ဒီတဘ့ၣ်အပတီၢ်, တၢ်အိၣ်ဖျဲၣ်ဖိ ၁၀၀,၀၀၀ ဂၤအကျါ, ပိာ်မုၣ်သံ၀ဲဒၣ် ၂၈၂ ဂၤ, ဒ်တၢ်ဂ့ၢ်ပာ်ဖျါလၢ ၂၀၁၄ တၢ်ဂံၢ်ဖးဖီ မုၢ်စရီပူၤအသိးလီၤ. တၢ်ဒုးအိၣ်ဖျဲၣ်ဖိလၢကီၢ်ပယီၤသၢဂၤအကျါတဂၤ တ
ဘၣ်တၢ်မၤအီၤလၢ ပှၤသ့တၢ်အိၣ်ဆူၣ်အိၣ်ချ့တၢ်ကွၢ် ထွဲန့ၣ်ဘၣ်. ဒီးတၢ်မၤန့ၢ်တၢ်မၤစၢၤဖဲတၢ်ဂ့ၢ်ဂ့ၢ်ဂီၢ်အူအခါ, လီၤဆီဒၣ်တၢ်လၢတၢ်လီၢ်ယံၤတဖၣ်, မ့ၢ်တၢ်လၢတအိၣ်ဘၣ်ဃၣ်ဃၣ် လီၤ.

တၢ်သိၣ်လိပၣ်ဃုာ်၀ဲ ဖိသၣ်အိၣ်ဖျဲၣ်သီအဂ့ၢ်, တၢ်ကွၢ်ထွဲမိၢ်တချုးလၢအိၣ်ဖျဲၣ်ဖိ, ဒီးဆူၣ်ချ့တၢ်ကွၢ်ထွဲဖဲတၢ်အိၣ်ဖျဲၣ်အဆၢကတီၢ် လီၤ. အလီၢ်ခံကတၢၢ်တဘျီတၢ်သိၣ်လိ တၢ်စးထီၣ်ဟ့ၣ်လါနိၣ်၀့ဘၢၣ်
၁ သီ ၂၀၁၆, တုၤ လါအီကူး ၃၁ သီ, ၂၀၁၇ လီၤ. တၢ်သိၣ် လိမ့ၢ်၀ဲသၢလါလၢတၢ်မၤလိလၢလံာ် ဒီးလွံၢ်လါလၢတၢ်လီၤမၤသ့သးလၢစုတၢ်အိၣ်သးနီၢ်နီၢ်လီၤ.

တၢ်စံၣ်လီၤတၢ်သိၣ်လိအမူး တၢ်မၤအီၤဖဲတီၣ်ကလ့သီခါဖၠၣ်ကၠိ ဖဲဖၣ်အၣ်ကီၢ်ဆၣ်, ကညီကီၢ်စဲၣ်လီၤ.