မိၣ်ကီၢ်စဲၣ်ဘျီၣ်ဒိၣ်ခၢၣ်စးတဂၤ ကိးထီၣ်၀ဲလၢတၢ်ကမၤအါထီၣ်တၢ်ဆီၣ်ထွဲ ဒီးစ့တၢ်ဆီၣ်ထါဲလၢမိၣ်ကလုာ်ကၠိတဖၣ်အဂီၢ်လီၤ.

ဖဲလါစဲးပထ့ဘၢၣ် ၁၁ သီ, ဘျီၣ်ဒိၣ်တၢ်အိၣ်ဖှိၣ်အဆၢကတီၢ်, ခၢၣ်စးအူအီၣ်နဲၣ်အူစံး၀ဲလၢ, တီၤလၢအသိၣ်လိကလုာ်ဒူၣ်အကျိာ်တ ဖၣ် ဒိးန့ၢ်ဘၣ်တၢ်ဆီၣ်ထွဲတလၢတလီၢ်, ဒီးကၠိသ့ၣ်တဖၣ်အခဲအံၤဆၢထၢၣ်လၢအကစၢ်ဒၣ်
၀ဲ တဘၣ်ထွဲဒီးပဒိၣ်အကျိၤအကွာ်, အ ဃိဒီးတၢ်သူၣ်လီၤဆီလီၤလၢအလိၣ် ဒီးကၠိတၢ်ပီးတၢ်လီတဖၣ်တအိၣ်လၢလီၢ် လၢတၢ်ကသိၣ်လိိမိၣ်, ကညီ, ဒီးပအိၣ်လံာ်လဲၢ်အဂီၢ် ဘၣ်.

မိကလုာ်ကၠိတဖၣ်ဘၣ်တၢ်အိးထီၣ်အီၤလၢ မိၣ်ကီၢ်သီပၣ်တံၣ် မိၣ်ဒီကလုာ်တၢ်ကူၣ်ဘၣ်ကူၣ်သ့ကမံးတံာ် Mon National Education Committee (MNEC) လီၤ. ကၠိဃါဃုာ်အိၣ်တနီၤ လၢဘၣ်တၢ်မၤစၢၤသဃဲၤအီၤဒီးကီၢ်ပဒိၣ်
န့ၣ်လီၤ.

MNEC ခိၣ်နၢ်ဘၣ်မူဘၣ်ဒါတဖၣ်စံး၀ဲလၢ အခဲအံၤအ၀ဲသ့ၣ်ဘၣ်ဃု၀ဲတၢ်မၤစၢၤကီကီခဲခဲ လၢပှၤဟ့ၣ်လီၤမၤဘူၣ်စ့တဖၣ်အအိၣ် လီၤ.

MNEC စ့တၢ်မၤစၢၤလၢကၠိအဂီၢ်, ကၠိတၢ်သိၣ်လိလံာ်အဂီၢ်, တၢ်ကွဲးဘိဒီးလံာ်ကွဲးနီၣ်တၢ်, ဒီးကၠိတၢ်သိၣ်လိအလံာ်လၢ ၂၀၁၇ - ၂၀၁၈ ကၠိနံၣ်အဂီၢ်, ဘၣ်ဆၣ်တုၤလၢခဲအံၤ ဒိးန့ၢ်ဒၣ်ထဲကၠိတၢ်သိၣ်လိလံာ်, လံာ်မၤတၢ်ဟူးတၢ်ဂဲၤ,
ဒီးကၠိတၢ်ကူတၢ်သိးတဖၣ်လီၤ. အဂ့ၢ် MNEC အခိၣ်, မ့အီၣ်စ့ၤ စံး၀ဲလီၤ.

MNEC ၂၀၁၇-၂၀၁၈ ကၠိနံၣ်စရီပာ်ဖျါ၀ဲ, မိၣ်ကလုာ်ကၠိအိၣ်၀ဲ ၁၃၃ ဖျၢၣ်, ကၠိဖိအိၣ် ၁၇၀,၀၀၀ ဂၤ, ဒီးကၠိသရၣ် ၈၀၀ ဂၤလီၤ.

လၢတၢ်စံးဆၢကဒါက့ၤ တၢ်ဃ့ထီၣ်လၢကီၢ်စဲၣ်ဘျီၣ်ဒိၣ်ပူၤအဂီၢ်, မိၣ်ကီၢ်စဲၣ်ကိတိာ်ခိၣ်ကျၢၢ် အူအ့စၤစံး၀ဲလၢ အ၀ဲဒၣ့်ပဒိၣ်ဆၢထၢၣ် အိၣ်ကတီၤသးလၢ ကဟ့ၣ်ထီၣ်တၢ်ဆီၣ်ထွဲမၤစၢၤလၢ မိၣ်ကလုာ်ကၠိအဂီၢ်, ဘၣ်ဆၣ်ဟ့ၣ်ကူၣ်
အ၀ဲသ့ၣ်လၢကဆှၢထီၣ် တၢ်ဃ့ထီၣ် လၢပဒိၣ်တၢ်မၤကျဲမူးမူးနီၢ်နီၢ် လၢတၢ်ကဆီၣ်ထွဲအ၀ဲသ့ၣ်တၢ်လိၣ်အဂီၢ်လီၤ.