မိၣ်ကီၢ်စဲၣ် တၢ်ကူၣ်လဲၤမၤကၤ ဒီးစဲးဖီကဟၣ်ကရၢ ပှၤပၢၤလီၢ်ဆ့ၣ်နီၤ နဲၤ၀့ထ့ၤစံးဘၣ်ကၠီၣ်တဲၣ်ပှၤမၤမုၢ်ကျိၤ၀ဲၤကွာ်တဖၣ်လၢ အ၀ဲဒၣ်တၢ်ကရၢကရိ ကသ
ဆၣ်ထီၣ်ပဒိၣ်လၢ ကအိးထီၣ်ကဒါက့ၤဃိၣ်သၢဖျၢၣ်ကျဲ ကီၢ်ဆၢြတဲၤ, လၢတၢ်ကးတံာ်ဃာ်အီၤန့ၢ်အ နံၣ်တဆံဘျဲၣ်လံလီၤ.

"ဒ်ပှၤကိးဂၤဒဲးဟ့ၣ်ကူၣ်၀ဲအသိး, ပသးစဲလၢကအိးထီၣ်က့ၤပဒိၣ်ကီၢ်ဆၢြတဲၤလၢဃိၣ်သၢဖျၢၣ် လၢအစဲဘူးဒီးကၣ်ကၠနၣ်ဘူၤရံၣ် န့ၣ်လီၤ. ဟီၣ်က၀ီၤကမျၢၢ်
တဖၣ် သးစဲ၀ဲစ့ၢ်ကီးလီၤ.

ပကမၤတၢ်လၢတၢ်ကသဆၣ်ထီၣ်ပဒိၣ်လၢအပတီၢ်စုာ်စုာ် ဒ်သိးကအိးထီၣ် ကဒါ က့ၤကီၢ်ဆၢြတဲၤန့ၣ်လီၤ." နဲၤ၀့ထ့ၤစံး၀ဲ ဖဲလါဖ့ၤဖီအါရ့ၤ ၄ သီလီၤ.

ခၢၣ်စး ၂၈ ဂၤလၢမိၣ်ကီၢ်စဲၣ်တၢ်ကူၣ်လဲၤမၤကၤဒီး စဲးဖီက ဟၣ်ကရၢ ထံလိာ်အသးဒီးကၠီၣ်တဲၣ်တၢ်ကူၣ်လဲၤမၤကၤကရၢ ခၢၣ်စး လၢကီၢ်ရ့ၣ်လွံၢ်ဘ့ၣ်လၢကီၢ်ကၠီၣ်
တဲၣ် - ကါကၠနၣ်ဘူၤ ရံၤ, ရၣ်ခၠ် ဘူၤရံၤ, စူၤဖါဘူၤရံၤ, ဒီး နၤခီၤပထိၤကီၢ်ရ့ၣ်သ့ၣ် တဖၣ် လၢ BSN Factory Outlet တၢ်သူၣ်ထီၣ် ဘူးဒီးဃိၣ် သၢဖျၢၣ်ကျဲသ၀ီ
လၢကၠီၣ်တဲၣ်တခီပၤ, ဒီးတဲသကိး၀ဲတၢ်ဂ့ၢ် ဘၣ်ဃး တၢ်မၤဆူၣ်ထီၣ်ဟီၣ်က၀ီၤတမှံၤတၢ်ဟဲဟး, လီမ့ၣ် အူဂံၢ်ဘါသနၢၣ်, တၢ်ဖီရီဘၢၢ်စဲးဖီကဟၣ်လီၢ်, ဒီးတၢ်
သူတၢ် သၣ်ဒီးတၢ်သူၣ်တၢ်ဖျးသနၢၣ် အဂ့ၢ်တဖၣ်လီၤ.

ကၠီၣ်တဲၣ်ပှၤမၤမုၢ်ကျိၤ၀ဲၤကွဲ တၢၣ်ပီၣ်သကိး၀ဲဘၣ်ဃး တၢ်မၤ န့ၢ် ၁၄ သီတၢ်ပျဲလၢတၢ်ကလဲၤအိၣ်သကိးလိာ်သး လၢမိၣ်ကီၢ်စဲၣ် ဒီးကၠီၣ်တဲၣ်ကါကၠနၣ်ဘူၤ
ရံၤအဘၢၣ်စၢၤလီၤ. ဒ်အ၀ဲစံး၀ဲအသိး ကၠီၣ်တဲၣ်ပဒိၣ်အိၣ်ကတီၤအသးလၢကပျဲ၀ဲ, ဒီးလိၣ်ဒၣ်လၢကီၢ်ပ ယီၤပဒိၣ်ကပျဲ၀ဲလီၤ.

သနာ်က့, ကညီကီၢ်စဲၣ်ကိတိာ်ခိၣ်ကျၢၢ် နါခ့ၤထွ့မၠ့ၣ် စံးဘၣ်ပှၤအိၣ်လၢဃိၣ်သၢဖျၢၣ်တဖၣ် ဖဲလါဖ့ၤဖီအါရံၤ ၃ သီလၢ, ခဲအံၤကီၢ် ဆၢြတဲၤတၢ်အိးထီၣ်တသ့
ဒံးဘၣ် မ့ၢ်လၢကီၢ်ဆၢတၢ်မၤနီၣ်လီၤတံၢ်လီၤဆဲးတအိၣ်ဒံးလၢ ကီၢ်ပယီၤဒီးကီၢ်ကၠီၣ်တဲၣ်အဘၢၣ်စၢၤအ ဃိ, ဘၣ်ဆၣ်ပဒိၣ်ခံဖုလၢာ် မၤတၢ်ဒ်သိးကမၤ၀ံၤတၢ်ပာ်ပ
နီၣ်ကီၢ်ဆၢအလီၢ်န့ၣ်လီၤ.

"တၢ်လီၢ်၀ဲအံၤ (ဃိၣ်သၢဖျၢၣ်) ကလဲၤထီၣ်လဲၤထီဖဲ တၢ်ဆဲးကျိၤဂ့ၤထီၣ်, တၢ်ကၤတၢ်ချ့ထီၣ်, ဒီးြတဲၤတၢ်အိးထီၣ်အီၤဆူညါန့ၣ် လီၤ. မုၢ်ကျိၤ၀ဲၤကွာ်အကျဲ တ
ယံာ်ဘၣ်တၢ်ကအိးထီၣ်လီၤ.

တမ့ၢ်ထဲလၢပကီၢ်စဲၣ်အဂီၢ်ဧိၤဘၣ်. ပှၤလဲၤဟးလၢမိၣ်ကီၢ်စဲၣ်သ့စ့ၢ် ကီးလီၤ." ဒီၢ်နါခ့ၤထွ့မၠ့ၣ် စံး၀ဲဖဲကမျၢၢ်တၢ်ထံၣ်လိာ်အဆၢကတီၢ် ဖဲဃိၢ်သၢဖျၢၣ်လီၤ.

ဃိၣ်သၢဖျၢၣ်အိၣ်သူၣ်လီၤအသးလၢ ကညီကီၢ်စဲၣ် ဒီးမ့ၢ်လဲၤဆူမိၣ်ကီၢ်စဲၣ် သၤဖၠူၤစယၣ်တၢ်ဒ့ၣ်စၢၤယံာ်၀ဲသၢနၣ်ရံၣ် လၢအမံးလး ၆၀ ကျဲလီၤ.