ယပၣ် Hello Communications ခီပနံၣ် ဆှၢနုာ်အတၢ်ဃ့ထီၣ် လၢကမၤဂ့ၤထီၣ်လ့ၣ်မ့ၣ်အူသန့ဖဲ ၀့ၢ်တကူၣ်လ့ၣ်မ့ၣ်အူကျဲက၀ီၤ ကျီၤအလီၢ်, ဆူကီၢ်ပယီၤ လ့ၣ်မ့ၣ်အူကျဲ Myanma Railways လၢအပၢဆှၢရဲၣ် ကျဲၤလ့ၣ် မ့ၣ်အူကျဲန့ၣ်လီၤ, အဂ့ၢ် အူအၤကၤမ့ သူၤ, လၢအမ့ၢ်ပှၤပၢဆှၢရဲၣ်ကျဲၤတၢ်ခိၣ်ကျၢၢ် လၢမုၢ်ကျိၤ၀ဲၤကွာ်၀ဲၤကျိၤ လၢကီၢ်ပယီၤလ့ၣ်အူကျဲအဖီလာ်, စံးဘၣ် The Myanmar Times တၢ်ကစီၣ်ဖဲမုၢ်ယူာ်အနံၤလီၤ.

အ၀ဲအံၤမ့ၢ်တၢ်အဆိကတၢၢ်တဘျီ လၢကီၢ်ပယီၤလ့ၣ်မ့ၣ်အူကျဲ ဒိးန့ၢ်တၢ်ဃ့ ထီၣ်လၢနီၢ်သဘျ့တၢ်မၤသနၢၣ် လၢကမၤဂ့ၤထီၣ်တၢ်မၤလၢလ့ၣ်အူကျဲန့ၣ် လီၤ.

"ပဆှၢထီၣ်ပတၢ်ရဲၣ်တၢ်ကျဲၤ လၢ၀့ၢ်တကူၣ်လ့ၣ်မ့ၣ်အူကျဲက၀ီၤကျီၤအဂီၢ်ဖဲလါ အ့ြဖ့ၣ် လၢလ့ၣ်မ့ၣ်အူသန့ ၃၇ ခါအဂီၢ်, ဘၣ်ဆၣ်ဒိးန့ၢ်တၢ်နဲၣ်လီၤလၢ ပြကၢး မၤဂ့ၤထီၣ်ဆိသမဲလ့ၣ်မ့ၣ်အူသန့န့ၣ်လီၤ." အဂ့ၢ် Kimio Shichida, လၢအမ့ၢ် Hello Communications ပှၤပၢၤလီၢ်ဆ့ၣ်နီၤစံး၀ဲလီၤ. လၢခီပနံၣ်အတၢ်တ ယာ်အဖီခိၣ်, တၢ်ကမၤဂ့ၤထီၣ်လ့ၣ်မ့ၣ်အူသန့ ၃၇ ခါ, ကလိၣ်ဘၣ်တၢ်ဘျၢ လီၤစ့ ၁၁ ကကွၢ်ဒီလၣ်ဃၣ်ဃၣ်လီၤ.

သမဲသန့ပျဲၢ်စီၣ်လၢအသီပၣ်ဃုာ်၀ဲ တၢ်ကတ့ထီၣ်တၢ်ဆါလံာ်ပျဲက့အလီၢ်, ပှၤနုာ်လီၤြတဲၤ, တၢ်အိၣ်ကဒု ဒီးကမျၢၢ်တၢ်အိၣ်ဘှံး အိၣ်သါအလီၢ်လီၤ. တၢ်ကလိၣ်စ့ၢ်ကီး တၢ်ဆါခီဖံၣ်ကျးလၢခ့ခါစိၤခဲအံၤ, တၢ်ဆါကျးလၢတၢ်ပှ့ၤ တၢ်ညီအဂီၢ် ဒီးတၢ်ဘိးဘၣ်သ့ၣ်ညါ လီၤတၢ်လီၢ် ဒ်သိးတၢ်ကမၤန့ၢ်တၢ်ဟဲနုာ်အဂီၢ်လီၤ.