တၢ်တဲသကိး၀ဲဘၣ်ဖၢလၢ တၢ်ကအိးထီၣ်ကဒါက့ၤခီကီၢ်ဆၢအလီၢ်ဖဲ မၠး၀တံၣ်ကီၢ်ဆၣ်လၢကညီကီၢ်စဲၣ် ဒီးကီၢ်ကၠီၣ်တဲၣ်အဘၢၣ် စၢၤ တနံၤ ၂၄ နၣ်ရံၣ်, အဂ့ၢ် သုးခိၣ်ဒိၣ်မၠိမ့နီၣ်, လၢအမ့ၢ်ကညီိကီၢ်စဲၣ် တၢ်ဘံၣ် တၢ်ဘၢ ဒီးကီၢ်ဆၢဂ့ၢ်၀ီကိတိာ်ခိၣ် စံး၀ဲလီၤ.

"ပတဲသကိးတၢ်ဘၣ်ဖၢဒီး ကီၢ်ပယီၤပဒိၣ်ဒီးကီၢ်ကၠီၣ်တဲၣ်ပဒိၣ်လီၤ." အ၀ဲဒၣ်စံး, စံးဒံး၀ဲလၢ အ၀ဲသ့ၣ်ကဘၣ်တဲသကိးတၢ်ဂ့ၢ်ကီဒ် အမ့ၢ် ပနံာ်တၢ်ကၤလၢတဖိးသဲစးအကျဲ, တၢ်တၤကျိၣ်တၤစ့ ဒီးပှၤသုးလီၢ်သုးကျဲတဖၣ် လီၤ.

စးထီၣ်လၢလါနိၣ်၀့ဘၢၣ် ၆ သီ, မၠး၀တံၣ်တၢ်ခီကီၢ်ဆၢအြတဲၤ အိးထီၣ်ထဲလၢဟါခီ ၈ နၣ်ရံၣ် တုၤ ဂီၤခီ ၆ နၣ်ရံၣ်ဧိၤလီၤ. တချုး လၢအ၀ဲန့ၣ်, အိးထီၣ်တနံၤ ၂၄ နၣ်ရံၣ်လီၤ.

သုးခိၣ်ဒိၣ်မၠိမ့မီၣ် စံး၀ဲလၢကၠီၣ်တဲၣ်ဒီးကီၢ်ပယီၤပဒိၣ် ပာ်၀ဲအ ဆၢလၢတၢ်အိးထီၣ်အကတီၢ် မ့ၢ်လၢတၢ်ကၤတၢ်လၢတဖိးသဲစးကျဲ အဃိလီၤ.

တၢ်မ့ၢ်အိးထီၣ်ြတဲၤ တနံၤ ၂၄ နၣ်ရံၣ်ဒီးပဒိၣ်ကဘၣ်မၤအါထီၣ်အပှၤမၤတၢ်ဖိလၢအခိးြတဲၤ ဒ်သိးကကွၢ်စူၢ်ကယာ်တၢ်ဟူးတၢ်ဂဲၤ လၢဟီၣ်က၀ီၤပူၤအဂီၢ်လီၤ, အ၀ဲဒၣ်စံး.
တၤစၤထိၣ်လဲၣ်ထွ့, ကညီကီၢ်စဲၣ် ကလုာ်ဒူၣ်ဂ့ၢ်၀ီကိတိာ်ခိၣ် ဒီးပဒိၣ်ပှၤကတိၤတၢ်ပၢ, စံး၀ဲ, "ကိတိာ်ခိၣ်ကျၢၢ်နါခ့ၤထွ့မၠ့ၣ် ကျဲး စၢးပၢၤတၢ်ကၤတၢ်လၢတဖိသဲစး ခီိဖျိမၤသကိးတၢ်ဒီးကိတိာ်လၢဘၣ်ထွဲတဖၣ်လီၤ."

မၠး၀တံၣ်မ့ၢ် တၢ်ခီကီၢ်ဆၢအလီၢ်အဒိၣ်ကတၢၢ်ခံဖျၢၣ်တဖျၢၣ် လၢကီၢ်ပယီၤ, လၢအဖီခီၣ်မ့ၢ် မူၤစဲၤ-ရူၤလံးလၢကလံၤစိးယိၤဒိၣ်ကီၢ် စဲၣ် လၢတရူးကီၢ်ဆၢလီၤ. မၠး၀တံၣ်တၢ်ခီကီၢ်ဆၢ အလီၢ် ဘၣ်တၢ်ကးတံာ်အီၤလၢ ၂၀၁၀ တုၤ ၂၀၁၁ ဖဲသိလ့ၣ်မ့ၣ်ပိၢ်ပိၢ်ဖး ဒီးပှၤ သံခံဂၤ၀ံၤအလီၢ်ခံဘၣ်ဆၣ်, တၢ်အိးထီၣ်ကဒါ အီၤ လၢမုၢ်ဆ့ၣ်မုၢ်ဂီၤတၢ်မၤအဂီၢ်န့ၣ်လီၤ.

မ့ၢ်လၢတၢ်ထီဒုၣ်ဒါဆဲးအိၣ်ဒံးလၢ ကလုာ်ဒူၣ်ဖီၣ်စုက၀ဲၤကရူၢ်အဘၢၣ်စၢလၢဟီၣ်က၀ီၤပူၤအဃိဒီး, ခီကီၢ်ဆၢပနံာ်တၢ်ကၤလၢတ ဖိးသဲစးအိၣ်ထီၣ် ဖဲသူမှဲကျိကီၢ်ဆၢတခွ့ၣ်တခွီၣ်ဒီးမဲၢ်ဆီး, ကီၢ်ကၠီၣ်တဲၣ်လီၤ.

ကီၢ်ကၠီၣ်တဲၣ်မ့ၢ်ထံကီၢ်လၢအဆှၢတၢ်ဖိတၢ်လံၤဆူကီၢ်ပယီၤအအါကတၢၢ်ခံဘ့ၣ်တဘ့ၣ် ဒီးမ့ၢ်ကီၢ်ပယီၤစိာ်နုာ်တၢ်ဖိတၢ်လံၤအအါ ကတၢၢ်သၢဘ့ၣ်တဘ့ၣ်လီၤ. ကီၢ်ခံဘ့ၣ်အံၤဆဲးစုမုၢ်ကျၢၢ် ပနံာ်တၢ်ကၤအတၢ်အၢၣ်လီၤဖဲ ၁၉၈၉ ဒီးကီၢ်ဆၢပနံာ်တၢ်ကၤအတၢ် အၢၣ်လီၤဖဲ ၁၉၉၆ လီၤ.