ကီၢ်ပယီၤပာ်လီၤတၢ်ရဲၣ်တၢ်ကျဲၤလၢ ကမၤထွဲထီၣ်ဒံးကၠံးတၢၢ်အဖၠါ ဒ်သိးကမၤလဲၤထီၣ်လဲၤထီ ထံကီၢ်ဟိၣ်ထဲလ်ဒီးတမှံၤတၢ် ဟဲဟးတၢ်မၤသနၢၣ်,
လီၤဆီဒၣ်တၢ်လၢကမၤအါထီၣ် တၢ်ဆီၣ်ထွဲတၢ်မၤ ဒ်သိးကထုးန့ၢ်တမှံၤလၢ တရူးကီၢ်ဟီၣ်ကီၢ် ဒီးမးကီ တၢ်ပၢလီၤဆီဟီၣ်က၀ီၤ Special
Administrative Regions (SAR), အဂ့ၢ် Myanmar News Agency တၢ်ကစီၣ်သန့, ပာ်ဖျါ၀ဲ ဖဲမုၢ်ဒဲးနံၤလီၤ.

တၢ်မၤ၀ဲအံၤ ဘၣ်တၢ်တၢၣ်ပီၣ်သကိးအီၤလၢ ကီၢ်ပယီၤကိတိာ်ခိၣ်ဘၣ် ဃး ဟိၣ်ထဲလ်ဒီးတမှံၤတၢ်ဟဲဟးတၢ်မၤကိတိာ်, အူအိမီၣ် ဒီးဟီၣ်ကီၢ် မးကီ
ကီၢ်ပယီၤတၢ်ကူၣ်လဲၤမၤကၤဒီး စဲးဖီကဟၣ်တၢ်မၤကရၢ Hong Kong Macao Myanmar Chamber of Commerce and
Industry (HKMMCCI) ပှၤပၢၤလီၢ်ဆ့ၣ်နီၤ, ဒီးက်ထၢၣ်လ့က့ၤ၀ဲ ဖဲန့ၢ်ပၠံၣ်ဒီၣ်, မုၢ်ဘူၣ်အနံၤလီၤ.

အ၀ဲသ့ၣ်တၢ်တၢၣ်ပီၣ်သကိးပၣ်ဃုာ်၀ဲ တၢ်ကရဲၣ်ကကျဲၤတၢ်သိၣ်လိ ဒ် သိးကဒုးအိၣ်အါထီၣ် ပှၤသ့ပှၤဘၣ်ဘၣ်ဃး တၢ်ဂ့ၢ်တၢ်ကျိၤ ဒီးတၢ်ဆဲးကျိး
စဲးဖီကဟၣ်တၢ်သ့တၢ်ဘၣ် လၢကိတိာ်အပူၤ, တၢ်က ဟ့ၣ်ထီၣ်တၢ်ဟ့ၣ်ကူၣ်ဟ့ၣ်ဖးလၢအလိၣ်, ဒီးတၢ်မၤစၢၤဘၣ်ဃးတၢ်သ့တၢ်ဘၣ်တၢ်မၤကျဲ လၢတၢ်
ကဒုးအိၣ်ထီၣ် တၢ်မှံၤတၢ်ဟဲဟး တၢ်မၤပှာ်ယဲၤသန့, ဒီးတၢ်ကရဲၣ်ကျဲၤ တၢ်ဟဲဟးမၤလိကီၢ် ပယီၤ လၢဟီၣ်ကီၢ်တၢ်လဲၤတၢ်က့ၤခီပနံၣ်တဖၣ်လီၤ.

ကီၢ်ပယီၤကသူ ဒံးကၠံးတၢၣ်စဲးဖီကဟၣ်ကျဲ လၢအြကၢးအဘၣ် ဒ်သိးကမၤလီၤစှၤ တၢ်မၤတၢ်လၢစုအကျဲ ဖဲမၤန့ၢ်တၢ်လၢကိတိာ် ၀ဲၤဒၢးတၢ်မၤဂီၢ်
အခါ, လၢကမၤလီၤစှၤတၢ်သူစးခိအဂီၢ်န့ၣ်လီၤ.
ကီၢ်ပယီၤဟ့ၣ်လီၤ ဘံၣ်စၣ်ဖဲဟဲတုၤ လၢတရူးကီၢ်ပှၤလဲၤတၢ်ဖိအဂီၢ် လၢအပၣ်ဃုာ်ပှၤလဲၤတၢ်ဖိလၢ ဟီၣ်ကီၢ်ဒီးမးကီ ဟီၣ်က၀ီၤ တၢ်ပၢလီၤဆီ, စးထီၣ်
ဖဲလါအီးထိဘၢၣ် ၁ သီ, မဟိတနံၣ်, ဒီးလၢတမှံၤလၢကီၢ်ယပၣ်ဒီး ကလံၤထံးခိၣ်ရံယါအဂီၢ် တၢ်ပျဲသဘျ့ အ၀ဲသ့ၣ်န့ၣ်လီၤ.

တုၤလၢလါအီးထိဘၢၣ် မဟိတနံၣ်, တမှံၤဟဲဟးကီၢ်ပယီၤအိၣ်၀ဲ ၂.၈၄ ကကွဲၢ်ဘျဲၣ်, အဂ့ၢ် ဟိၣ်ထဲလ်ဒီးတမှံၤတၢ်ဟဲဟးတၢ်မၤ ကိတိာ်, ပာ်ဖျါ၀ဲလီၤ.