၀့ၢ်တကူၣ် - ယပၣ်အမီၣ်သီဆူကီၢ်ပယီၤ လီၣ်ဖျါ၀ဲအပဒိၣ်အတၢ် ရဲၣ်တၢ်ကျဲၤလၢ ကမၤဆူၣ်ထီၣ်မုၢ်ကျိၤ၀ဲၤကွာ် တၢ်လဲၤထီၣ်လဲၤ ထီလၢကီၢ်ပယီၤ ရၢၢ်ခၢၣ်
ကီၢ်စဲၣ် လၢဘၣ်ကီဘၣ်ခဲဒီးဖှီၣ်ယာ်တ ဘ့ၣ်, ခီဖျိဆီၣ်ထွဲတၢ်ဘျၢလီၤစ့တၢ်ကွၢ်ကီ လၢကဟဲဖဲန့ၣ်ယ ဒီး ခီဖျိဆီၣ်သနံးယပၣ်ပှၤဘျၢလီၤစ့ ဒ်သိး
ကကွၢ်ဆိမိၣ် တၢ်ခွဲးတၢ် ယာ်လၢအိၣ်ဖဲန့ၣ်လီၤ.

ရၢၢ်ခၢၣ်ကီၢ်စဲၣ်အမံၤမ့ၢ်ဟးဂီၤ လၢရိၣ်ဟ့ယၣ်တၢ်သဘံၣ်ဘုၣ်တၢ် ဂ့ၢ် ဒီးစုက၀ဲၤတၢ်ထီဒုၣ်ဒါသနာ်က့, ကီၢ်ပဒိၣ်ဂုာ်ကျဲၤစၢး၀ဲ လၢာ် သူၣ်လၢာ်သးလၢ
ကဃုန့ၢ်ကီၢ်ချၢတၢ်ဘျၢလီၤစ့ လၢကီၢ်စဲၣ်အပူၤ ဒ် အမ့ၢ်ကျဲလၢကမၤဂ့ၤထီၣ် မုၢ်ကျိၤ၀ဲၤကွာ်တၢ်လဲၤထီၣ်လဲၤထီ, ဒီးလၢကျဲဒ်န့ၣ် ကဘှါၡဲကီၢ်စဲၣ်အ
တၢ်ဂ့ၢ်ကီတဖၣ်လီၤ.'

ဃုာ်ဒီးတၢ်ကိးကြတီလၢ "ရၢၢ်ခၢၣ်ကီၢ်စဲၣ် အိၣ်အိးထီၣ်အသးလၢ ပနံာ်တၢ်မၤအဂီၢ် လၢဟီၣ်ခိၣ်", ကီၢ်ပယီၤတၢ်ဘျၢလီၤစ့ခီမၡ့ၣ်ဒီး ရၢၢ်ခၢၣ်ကီၢ်စဲၣ်ပဒိၣ်
အိၣ်ကတီၤအသးလၢကစးထီၣ်မၤ ရၢၢ်ခၢၣ် တၢ်ဘျၢလီၤစ့တၢ်ကွၢ်ကီအဆိကတၢၢ်တဘျီ ဖဲလါဖ့ၤဖီအါရံၤ ၂၁ ဒီး ၂၃, အိၣ်ဒီးယပၣ်ပဒိၣ်ကရၢ,
ယပၣ်ထံဂုၤကီၤဂၤတၢ်မၤသကိး ကရၢ Japan International Cooperation Agency (JICA) ဒီးယ ပၣ် ကီၢ်ချၢတၢ်ကူၣ်လဲၤမၤကၤကရၢ
Japan External Trade Organization (JETRO) ဒ်အမ့ၢ် ပှၤကရၢကရိသကိးတၢ် လၢတၢ်ကွၢ် ကီဘျီ၀ဲအံၤန့ၣ်လီၤ.

ရၢၢ်ခၢၣ်တၢ်ဘျၢလီၤစ့တၢ်ကွၢ်ကီအမူး အသးကစူၢ်လၢတၢ်မၤသနၢၣ်ဖးဒိၣ်သၢမံၤ လၢအမ့ၢ် - တၢ်သူၣ်တၢ်ဖျး, ဘုၣ်ဖီၣ်ဒီးတၢ်မၤညၣ် သနၢၣ်, တမှံၤတၢ်ဟဲဟး
တၢ်လဲၤထီၣ်လဲၤထီ ဒီးပနံာ်တၢ်မၤလၢအဆံး ဒီးဖဲြကၢးဖဲဘၣ် တၢ်လဲၤထီၣ်လဲၤထီတဖၣ်လီၤ.

ပဃုကျဲလၢ ယပၣ်ပှၤဘျၢလီၤစ့တဖၣ် ကဘျၢလီၤစ့လၢရၢၢ်ခၢၣ်ကီၢ်စဲၣ်ပူၤအဂီၢ်လီၤ. ပအဲၣ်ဒိးဒုးသ့ၣ်ညါစ့ၢ်ကီး ယပၣ်ပှၤဘျၢလီၤစ့ တဖၣ် ဘၣ်ဃးတၢ်
မၤသနၢၣ်လၢတၢ်မုၢ်လၢ်အိၣ်၀ဲလီၤ." ယပၣ်မီၣ်သီဆူကီၢ်ပယီၤ Ichiro Maruyama စံး၀ဲဖဲအဟံၣ်အိၣ်ဆိးလီၢ ဖဲ မုၢ်လ့ၢ်ဧိၤအနံၤလီၤ.

အ၀ဲဒၣ်စံး၀ဲလၢ ကီၢ်ယပၣ်ပဒိၣ် အဲၣ်ဒိးဃုကျဲလၢကမၤစၢၤ မၤဆူၣ်ထီၣ်တၢ်ဘျၢလီၤစ့လၢရၢၢ်ခၢၣ်ကီၢ်စဲၣ် ဒီးအ၀ဲသ့ၣ်ကဟူးဂဲၤမၤ န့ၢ်တၢ် ဒ်ပှၤတဲန့ၢ်တၢ်အသိး
လၢဟီၣ်က၀ီၤပဒိၣ်ဒီး ယပၣ်ပှၤဘျၢလီၤစ့အဘၢၣ်စၢၤလီၤ.

ယပၣ်မီၣ်သီစံး၀ဲ, တၢ်တၤတၢ်အဒိၣ်လၢရၢၢ်ခၢၣ်ကီၢ်စဲၣ်အဂီၢ် လၢတၢ်ထုးန့ၢ်တၢ်ဘျၢလီၤစ့မ့ၢ်၀ဲ တၢ်လိၣ်ဘၣ်ဃးတၢ်ဆီလီၤပာ်လီၤ တအိၣ်ဂ့ၤဘၣ်, ဒီးတၢ်ဘံၣ်
တၢ်ဘၢတၢ်ဂ့ၢ်ကီတဖၣ်လီၤ. သနာ်က့, အ၀ဲစံး၀ဲလၢ အ၀ဲဒၣ်ပဒိၣ်ကွၢ်ဆိကမိၣ်ကျဲလၢ ကဟ့ၣ်ထီၣ်ပဒိၣ် တၢ်လဲၤထီၣ်လဲၤထီတၢ်မၤစၢၤ ဒ်သိးကမၤဂ့ၤထီၣ်
တၢ်လိၣ်ဘၣ်ဃး တၢ်ဆီလီၤပာ်လီၤ, လီၤဆီဒၣ်တၢ်လၢလီမ့ၣ်အူဂံၢ်ဘါတၢ်လိၣ်, ဒီး ကျဲမုၢ်ကျဲဘိလၢရၢၢ်ခၢၣ်ကီၢ်စဲၣ်ပူၤလီၤ.