ကီၢ်ပယီၤအီဘၤကရူၢ် Myanmar Awba Group (Awba), Mercy Corps, ဒီး Golden Sunland ကရၢတဖၣ်, ပာ်ဖှိၣ်ထီၣ်
အသးအိၣ်ဒီးတၢ် မုၢ်လၢ်ကွၢ်စိလၢ ကမၤဂ့ၤထီၣ် ပှၤမၤစံာ်ဖိတၢ်လုၢ်အီၣ်သးသူအကျဲ လၢလပူၣ်တၣ်, အ့ယၣ်၀တံၣ်ကီၢ်ခီဒိၣ်, ခီဖျိတၢ်တိာ်ကျဲၤလၢ
ပကိးလၢ တၢ်စဲဘူးဒီးလပူၣ်တၣ်ဖၠါ Link to Labutta Market လီၤ.

တၢ်တိာ်ကျဲၤ လၢအတၢ်မုၢ်လၢ်မ့ၢ် ကမၤအါထီၣ်ပှၤမၤစံာ်ဖိအတၢ်ဟဲနုာ်, ဘၣ်တၢ်စးထီၣ်မၤလီၤလၢ Mercy Corps လၢအမ့ၢ်ထံ ဂုၤကီၢ်ဂၤ
ကမျၢၢ်သဘျ့ကရၢ, ဒ်အမ့ၢ်ပှၤကညီတၢ်ဒိသူၣ်ဒိသးတၢ်မၤ တၢ်ရဲၣ်တၢ်ကျဲၤတခါအသိး, ဒ်သိးကသူၣ်ထီၣ်က့ၤလပူၣ် တၣ် လၢနါက့းစ်က
လံၤမုၢ်ဘၣ်၀ံၤအလီၢ်ခံ လၢအမၤအသးဖဲကီၢ်ပယီၤ အပူၤကွံာ် ၁၁ နံၣ်အခါလီၤ.

တၢ်တိာ်ကျဲၤ ကဘၣ်ဘျုးပှၤခဲလၢာ်လီၤ. အီဘၤ, လၢအမ့ၢ်ကီၢ်ပယီၤ သူၣ်ဖျးခီပနံၣ်လၢအဒိၣ်, ကဟံးမူဒါလၢတၢ်ဟ့ၣ်ကူၣ်ဟ့ၣ် ဖးဘၣ်ဃး
တၢ်ဆါတၢ်ဖိတၢ်လံၤ, အခါဖဲ Golden Sunland, လၢအမ့ၢ် ကီၢ်စံၣ်ကဖိအိၣ်သူၣ်လီၤအသး, တၢ်သူၣ်တၢ်ဖျးခီပနံၣ်, ကပှ့ၤဘုလၢအကံၢ်
အစီပတီၢ်ထီ, ဒ်န့ၣ်အသိးလၢခံကတၢၢ် ကမၤစၢၤပှၤမၤစံာ်ဖိလၢ ကန့ၢ်အါထီၣ်တၢ်ဟဲနုာ်အဂီၢ်လီၤ.

Golden Sunland, လၢအဆီၣ်ထွဲဟ့ၣ်ဂံၢ်ဟ့ၣ်ဘါစ့ၢ်ကီး တၢ်မၤစံာ်မၤ၀ဲာ်လၢအိၣ်ဒီးတၢ်ဟံးမူဒါ စးထီၣ်လၢတၢ်သူၣ်လီၤတၢ်ချံ တုၤတၢ်ကူးဘၣ်ဘု,
ဆဲးတၢ်မၤစံာ်ခီထရဲးတၢ်အၢၣ်လီၤ, လၢကပှ့ၤဘုလၢတၢ်သူၣ်အီၤ လၢအစူးကါ သူၣ်ဖျးတၢ်မၤကျဲလၢအဂ့ၤ, လၢလပူၣ်တၣ်ပှၤမၤစံာ်ဖိအိၣ် ဒီးတၢ်ကဟ့ၣ်
အပှ့ၤအါန့ၢ်ဒံးဖၠါခဲလၢာ်ပာ်ဖှိၣ်အလုၢ်အပှ့ၤန့ၣ်လီၤ. တၢ်န့ၣ်၀ံၤဒီး, ခီပနံၣ်ကဆှၢဆါ ဘုလၢတၢ်ပှ့ၤအီၤ ဆူထံဂုၤကီၢ်ဂၤန့ၣ်လီၤ.

အခဲအံၤ ပှၤမၤစံာ်ဖိလၢအမၤစံာ်လၢလပူၣ်တၣ် လၢတၢ်တိာ်ကျဲၤအံၤအဖီလာ် အိၣ်၀ဲအဂၤ ၄၀ ဒီးအ၀ဲသ့ၣ်ဟံၣ်ဖိဃီဖိ ဒီးမၤစံာ် လီၢ်အလဲၢ်
၂၀၀ အ့ခၢၣ်လီၤ. တၢ်ရဲၣ်တၢ်ကျဲၤအံၤ တၢ်မုၢ်လၢ်၀ဲလၢကမၤဂ့ၤထီၣ် အ၀ဲသ့ၣ်တၢ်လုၢ်အီၣ်အသးသမူအါထီၣ် ၃၀ မျး ကယၤလီၤ. တၢ်မၤ၀ဲအံၤမ့ၢ်ကဲ
ထီၣ်ဒီး, ကမ့ၢ်စ့ၢ်ကီးတၢ်ဒုးနဲၣ်ဖျါ, ခီဖျိကမျၢၢ်သဘျ့ကရၢဒီး နီၢ်သဘျ့သနၢၣ် အတၢ်ပာ်ဖှိၣ်မၤထွဲ သကိးအတၢ်ကူၣ်တၢ်ဖးတဖၣ်အဃိ
ဒုးအိၣ်ထီၣ်တၢ်မၤလၢအကဲထီၣ်လိၣ်ထီၣ် လၢအတုၤထီၣ်ထီၣ်ဘးန့ၣ်လီၤ.