Menu

ကီၢ်ပယီၤပဒိၣ်တိာ်ပာ်လၢကမၤဝဲထံရူၢ်ကီၢ်သဲးတၢ်တၢၣ်ပီၣ်သကိးတၢ်ဒီးကလုာ်ဒူၣ်ထီဒါတၢ်ကရူၢ်ဖဲလါအ့ဖြ့ၣ်အတီၢ်ပူၤ

...

ကီၢ်ပယီၤပဒိၣ်တိာ်ပာ်လၢကမၤဝဲထံရူၢ်ကီၢ်သဲးတၢ်တၢၣ်ပီၣ်သကိးတၢ်ဒီးကလုာ်ဒူၣ်ထီဒါတၢ်ကရူၢ်ဖဲလါအ့ဖြ့ၣ်အတီၢ်ပူၤ

Radio Free Asia, 25 Nov 2013

URL: http://www.rfa.org/english/news/myanmar/talks-11252013182637.html
ဖဲမုၢ်ဆၣ်အနံၤကီၢ်ခိၣ်သ့စ့ၣ်ဝဲၤဒၢးကိတိာ်ခိၣ်တဂၤစံးဝဲ,ကီၢ်ပယီၤပဒိၣ်တိာ်ပာ်ဝဲလၢကမၤဝဲတၢ်တၢၣ်ပီၣ်သကိးတၢ်ဒီးကလုာ် ဒူၣ်ထီဒါတၢ်ကရူၢ်ဖဲနံၣ်လၢကဟဲလါအ့ဖြ့ၣ်တီၢ်ပူၤဒ်သိးကဃုထံၣ်န့ၢ်ဝဲတၢ်ဘှါဘၣ်က့ၤထံရူၢ်ကီၢ်သဲးတၢ်အိၣ်ဂၢၢ်အိၣ်ကျၢၤအဂီၢ်န့ၣ်လီၤ.

ထံရူၢ်ကီၢ်သဲးတၢ်တၢၣ်ပီၣ်သကိးတၢ်အံၤဘၣ်သ့ၣ်သ့ၣ်တၢ်ကမၤအီၤဖဲတၢ်ဆဲးလီၤစုမုၢ်ကျၢၢ်လၢထံကီၢ်ဒီဘ့ၣ်တၢ်ပတုာ်တၢ်ခးအတၢ်အၢၣ်လီၤအီလီၤ(လၢဘၣ်သ့ၣ်သ့ၣ်တၢ်ကမၤအီၤဖဲလါလၢကဟဲ)အံၤဝံၤအလီၢ်ခံန့ၣ်လီၤ.

ကိတိာ်ခိၣ်အီၣ်မ့စံးဘၣ် RFA တၢ်ကစီၣ်, “ကလုာ်ဒူၣ်ကရူၢ်သ့ၣ်တဖၣ်အံၤဃ့ထီၣ်ဝဲဒၣ်တၢ်မၤထံရူၢ်ကီၢ်သဲးတၢ်တၢၣ်ပီၣ်သ ကိးတၢ်အဃိပကစးထီၣ်မၤအီၤန့ၣ်လီၤ.”

“ယအဲၣ်ဒိးစးထီၣ်မၤထံရူၢ်ကီၢ်သဲးတၢ်တၢၣ်ပီၣ်သကိးတၢ်ဖဲလါအ့ဖြ့ၣ် ၂၀၁၄ နံၣ်ခီဖျိလၢပအိၣ်ဒီးတၢ်ဆၢကတီၢ်ထဲဒၣ်တ နံၣ်ဧိၤတချုးတုၤလၢ ၂၀၁၅ နံၣ်တၢ်မၤတၢ်ဃုထၢအံၤန့ၣ်လီၤ.

အီၣ်မ့ပာ်ဖျါထီၣ်ဝဲလၢတၢ်မုာ်တၢ်ခုၣ်အကျိၤအကျဲဒီးကလုာ်ဒူၣ်ထီဒါတၢ်ကရူၢ်သ့ၣ်တဖၣ်အံၤမ့ၢ်တၢ်လၢအ“စးထီၣ်သီ” န့ၣ်လီၤ. ဒီးပှၤခံဖုအံၤကဘၣ်ပာ်လီၤဝဲဂံၢ်ခီၣ်ထံးတၢ်သိၣ်တၢ်သီဘၣ်ဃးထံကီၢ်ဒီဘ့ၣ်တၢ်ပတုာ်တၢ်ခးအတၢ်အၢၣ်လီၤအီလီၤလၢတၢ်ကမၤအီၤဖဲခဲကိာ်တဝီတၢ်ကတိၤသကိးတၢ်ဖဲဝ့ၢ်ဖါအၣ်,ကညီကီၢ်စဲၣ်အဝ့ၢ်ခိၣ်န့ၣ်လီၤ.

အဝဲစံးဝဲ,“လါဒံၣ်စဲဘၢၣ်အပူၤတၢ်အိၣ်ဖှိၣ်လၢတၢ်ကမၤအီၤဖဲဝ့ၢ်ဖါအၣ်အံၤဝံၤအလီၢ်ခံပကပာ်ဂၢၢ်ပာ်ကျၢၤမုၢ်နံၤမုၢ်သီလၢတၢ်ကဆဲးလီၤစုမုၢ်ကျၢၢ်လၢထံကီၢ်ဒီဘ့ၣ်တၢ်ပတုာ်တၢ်ခးအတၢ်အၢၣ်လီၤအီလီၤအဂီၢ်န့ၣ်လီၤ.”

ပဒိၣ်ပှၤတၢၣ်ပီၣ်တဲကျဲၤသကိးတၢ်တဖၣ်စံးဝဲလၢအဝဲသ့ၣ်အဲၣ်ဒိးလၢကလုာ်ဒူၣ်ထီဒါတၢ်ကရူၢ်ခဲလၢာ်ကဆဲးလီၤသကိးစုမုၢ် ကျၢၢ်လၢထံကီၢ်ဒီဘ့ၣ်တၢ်ပတုာ်တၢ်ခးအမူးဖဲန့ၣ်ပၠံၣ်ဒီၣ်ဖဲနံၣ်ကတၢၢ်အံၤန့ၣ်လီၤ.

ကီၢ်ပယီၤထံရူၢ်ကီၢ်သဲးကရူၢ်ဒီးကလုာ်ဒူၣ်ဖီၣ်စုကဝဲၤကရူၢ်တဖၣ်မၤကတၢၢ်ကွံာ်ဝဲဒၣ်အဝဲသ့ၣ်တၢ်အိၣ်ဖှိၣ်အခီၣ်ထံးကတၢၢ်တ ဘျီလၢအဘၣ်ထွဲလိာ်အသးဒီးတၢ်မုာ်တၢ်ခုၣ်အကျိၤအကျဲဖဲနွံအကတၢၢ်အံၤန့ၣ်လီၤ. ပှၤဟဲထီၣ်တၢ်အိၣ်ဖှိၣ်တဖၣ်စံးဝဲတၢ် အိၣ်ဖှိၣ်အံၤမၤဂ့ၤထီၣ်ဝဲတၢ်နာ်န့ၢ်လိာ်သးဖဲတၢ်ထဲးဂံၢ်ထဲးဘါလၢဒီကလုာ်တၢ်က့ၤမၤဃူမၤဖိးလိာ်က့ၤသးအပူၤန့ၣ်လီၤ.