ကလုာ်ဒူၣ်တၢ်အိၣ်ဖှိၣ်ဖးဒိၣ်သူၣ်ထီၣ်တၢ်ဃူတၢ်ဖိးလၢပှၤဖီၣ်စုကဝဲၤကရူၢ်တဖၣ်အကျါ
ကလုာ်ဒူၣ်တၢ်အိၣ်ဖှိၣ်ဖးဒိၣ်သူၣ်ထီၣ်တၢ်ဃူတၢ်ဖိးလၢပှၤဖီၣ်စုကဝဲၤကရူၢ်တဖၣ်အကျါ
Karen News, 27 Jan 2014
URL: http://karennews.org/2014/01/ethnic-conference-builds-unity-among-armed-organisation.html/
လၢတၢ်ပာ်ဖျါထီၣ်တၢ်အိၣ်ဃူအိၣ်ဖိးဒီးတၢ်ဂံၢ်တၢ်ဘါအပူၤ,ပှၤဖီၣ်စုကဝဲၤပၢၢ်ဆှၢတၢ်ကရူၢ်ခၢၣ်စး ၁၇ ဖုထံၣ်လိာ်အိၣ်ဖှိၣ်သ ကိးဝဲဖဲကညီကီၢ်စဲၣ်ဒ်သိးဒီးကတၢၣ်ပီၣ်သကိးတၢ်ဘၣ်ဃးထံကီၢ်ဒီဘ့ၣ်တၢ်ပတုာ်တၢ်ခးအတၢ်အၢၣ်လီၤအီလီၤလၢကီၢ်ပယီၤ အဂီၢ်န့ၣ်လီၤ.
ကလုာ်ဒူၣ်ဖီၣ်စုကဝဲၤကရူၢ်တဖၣ်ဘိးဘၣ်ရၤလီၤဝဲဒၣ်လၢတၢ်အိၣ်ဖှိၣ်လၢဘၣ်တၢ်မၤအီၤလၢယဲၢ်သီအတီၢ်ပူၤ,စးထီၣ်လၢလါယနူၤအါရံၤ ၂၀-၂၅ သီအနံၤအံၤကဲထီၣ်လိၣ်ထီၣ်ဝဲဂ့ၤဂ့ၤဘၣ်ဘၣ်န့ၣ်လီၤ. ထံကီၢ်ဒီဘ့ၣ်တၢ်ပတုာ်တၢ်ခးအတၢ်မၤသကိးတၢ် ကရူၢ် (NCCT)လၢအမ့ၢ်ကလုာ်ဒူၣ်ဖီၣ်စုကဝဲၤပၢၢ်ဆၢတၢ်မၤသကိးတၢ်ကရူၢ်အံၤပာ်ဖျါထီၣ်ဝဲဒၣ်လၢတၢ်အကါဒိၣ်တမံၤလၢ လီၢ်ဃံလၤတၢ်အိၣ်ဖှိၣ်ဖးဒိၣ်ဒိးန့ၢ်ဝဲအံၤမ့ၢ်ဝဲတၢ်သးလီၤပလိာ်လၢတၢ်ကတူၢ်လိာ်သကိးဝဲဒၣ်ထံကီၢ်ဒီဘ့ၣ်တၢ်ပတုာ်တၢ်ခးအတၢ်အၢၣ်လီၤအီလီၤအံၤန့ၣ်လီၤ.
တၢ်ပာ်ဖျါအံၤပာ်ဂၢၢ်ပာ်ကျၢၤဝဲဒၣ်လၢ NCCT ကရူၢ်အံၤဒိးန့ၢ်ဘၣ်ဝဲတၢ်ဆီၣ်ထွဲမၤစၢၤလၢကလုာ်ဒူၣ်ဖီၣ်စုကဝဲၤပၢၢ်ဆၢတၢ် ကရူၢ် ၁၇ ဖုအံၤန့ၣ်လီၤ. ဒီးဖဲတၢ်အိၣ်ဖှိၣ်ဖးဒိၣ်အပူၤတၢ်သး
လီၤပလိာ်လၢကတူၢ်လိာ်ဝဲ NCCT ကရူၢ်ဒ်သိးကဆဲးဟံထီၣ်ဖီၣ် ထီၣ်တၢ်တၢၣ်ပီၣ်မၤသကိးတၢ်အတၢ်မၤအံၤဆူညါခီန့ၣ်လီၤ.
NCCT အတၢ်ပာ်ဖျါစံးဝဲ,အါန့ၢ်တၢ်မၤဂၢၢ်ကျၢၤထီၣ်ကလုာ်ဒူၣ်ခဲလၢာ်အတၢ်အိၣ်ဃူအိၣ်ဖိး,လီၢ်ဃံလၤတၢ်အိၣ်ဖှိၣ်ဖးဒိၣ်အံၤ ကတဲာ်ကတီၤန့ၢ်စ့ၢ်ကီးအဝဲသ့ၣ်လၢထံရူၢ်ကီၢ်သဲးတၢ်တၢၣ်ပီၣ်သကိးတၢ်အဂီၢ်ဒီးတၢ်တၢၣ်ပီၣ်တဲကျဲၤသကိးတၢ်လၢကဟဲအိၣ်ထီၣ်ဖဲ
လၢတၢ်ဒိးန့ၢ်ဘၣ်ထံကီၢ်ဒီဘ့ၣ်တၢ်ပတုာ်တၢ်ခးဝံၤအလီၢ်ခံအံၤန့ၣ်လီၤ.
NCCT အတၢ်ပာ်ဖျါစံးဝဲဒၣ်လၢကလုာ်ဒူၣ်ဖီၣ်စုကဝဲၤပၢၢ်ဆၢတၢ်ကရူၢ်သ့ၣ်တဖၣ်မၤတၢ်ဆၢတဲာ်ကျၢၤမုဆုလၢကဂဲၤလိာ်ဝဲသ ပှၢ်ပှၢ်တုၤလၢအဝဲသ့ၣ်ဒိးန့ၢ်ဘၣ်ဝဲအဝဲသ့ၣ်ထံရူၢ်ကီၢ်သဲးအတၢ်ပညိၣ်လၢအမ့ၢ်ဝဲ “ကီၢ်စၢဖှိၣ်လၢစဲးနီၢ်”န့ၣ်လီၤ.
NCCT စံးဝဲလၢကလုာ်ဒူၣ်ဖီၣ်စုကဝဲၤပၢၢ်ဆၢတၢ်ကရူၢ်သ့ၣ်တဖၣ်သူၣ်ထီၣ်ဝဲဒၣ်တၢ်အိၣ်ဃူအိၣ်ဖိးလိာ်က့ၤသးဒ်သိးဒီးတၢ်ကသ့ နုာ်လီၤမၤသကိးဃုာ်ဘၣ်တၢ်,ဃုာ်ဒီးတၢ်ပာ်သူၣ်ပာ်သးလၢအဘၣ်ဖဲတၢ်မၤကတၢၢ်ကွံာ်ထံလီၢ်ကီၢ်ပူၤတၢ်ဒုးတၢ်ယာ်အကျိၤအကျဲအပူၤ, တၢ်သူၣ်ထီၣ်ထံလီၢ်ကီၢ်ပူၤတၢ်မုာ်တၢ်ခုၣ်အကျိၤအကျဲအပူၤဒီးတၢ်မၤဂ့ၤထီၣ်က့ၤထံကီၢ်အကျိၤအကျဲပူၤအဂီၢ်န့ၣ် လီၤ.
NCCT စံးဃ့ထီၣ်ဝဲလၢကလုာ်ဒူၣ်သ့ၣ်တဖၣ်ကအိၣ်ဃူအိၣ်ဖိးလိာ်က့ၤအသးဒီးဟ့ၣ်သဆၣ်ထီၣ်ဝဲဒ်သိး တၢ်သူၣ်ထီၣ်ကလုာ် ဒူၣ်အတၢ်အိၣ်ဃူအိၣ်ဖိးလၢအပၣ်ဃုာ်ဒီးကလုာ်ဒူၣ်ခဲလၢာ်တကးဒံးဘၣ်,ပၣ်ဃုာ်စ့ၢ်ကီးဒီးပဒိၣ်လၢအပၢတၢ်တဖၣ်န့ၣ်လီၤ.
ကလုာ်ဒူၣ်ဖီၣ်စုကဝဲၤကရူၢ်တဖၣ်ဘိးဘၣ်ရၤလီၤဝဲဒၣ်လၢတၢ်အိၣ်ဖှိၣ်လၢဘၣ်တၢ်မၤအီၤလၢယဲၢ်သီအတီၢ်ပူၤ,စးထီၣ်လၢလါယနူၤအါရံၤ ၂၀-၂၅ သီအနံၤအံၤကဲထီၣ်လိၣ်ထီၣ်ဝဲဂ့ၤဂ့ၤဘၣ်ဘၣ်န့ၣ်လီၤ. ထံကီၢ်ဒီဘ့ၣ်တၢ်ပတုာ်တၢ်ခးအတၢ်မၤသကိးတၢ် ကရူၢ် (NCCT)လၢအမ့ၢ်ကလုာ်ဒူၣ်ဖီၣ်စုကဝဲၤပၢၢ်ဆၢတၢ်မၤသကိးတၢ်ကရူၢ်အံၤပာ်ဖျါထီၣ်ဝဲဒၣ်လၢတၢ်အကါဒိၣ်တမံၤလၢ လီၢ်ဃံလၤတၢ်အိၣ်ဖှိၣ်ဖးဒိၣ်ဒိးန့ၢ်ဝဲအံၤမ့ၢ်ဝဲတၢ်သးလီၤပလိာ်လၢတၢ်ကတူၢ်လိာ်သကိးဝဲဒၣ်ထံကီၢ်ဒီဘ့ၣ်တၢ်ပတုာ်တၢ်ခးအတၢ်အၢၣ်လီၤအီလီၤအံၤန့ၣ်လီၤ.
တၢ်ပာ်ဖျါအံၤပာ်ဂၢၢ်ပာ်ကျၢၤဝဲဒၣ်လၢ NCCT ကရူၢ်အံၤဒိးန့ၢ်ဘၣ်ဝဲတၢ်ဆီၣ်ထွဲမၤစၢၤလၢကလုာ်ဒူၣ်ဖီၣ်စုကဝဲၤပၢၢ်ဆၢတၢ် ကရူၢ် ၁၇ ဖုအံၤန့ၣ်လီၤ. ဒီးဖဲတၢ်အိၣ်ဖှိၣ်ဖးဒိၣ်အပူၤတၢ်သး
လီၤပလိာ်လၢကတူၢ်လိာ်ဝဲ NCCT ကရူၢ်ဒ်သိးကဆဲးဟံထီၣ်ဖီၣ် ထီၣ်တၢ်တၢၣ်ပီၣ်မၤသကိးတၢ်အတၢ်မၤအံၤဆူညါခီန့ၣ်လီၤ.
NCCT အတၢ်ပာ်ဖျါစံးဝဲ,အါန့ၢ်တၢ်မၤဂၢၢ်ကျၢၤထီၣ်ကလုာ်ဒူၣ်ခဲလၢာ်အတၢ်အိၣ်ဃူအိၣ်ဖိး,လီၢ်ဃံလၤတၢ်အိၣ်ဖှိၣ်ဖးဒိၣ်အံၤ ကတဲာ်ကတီၤန့ၢ်စ့ၢ်ကီးအဝဲသ့ၣ်လၢထံရူၢ်ကီၢ်သဲးတၢ်တၢၣ်ပီၣ်သကိးတၢ်အဂီၢ်ဒီးတၢ်တၢၣ်ပီၣ်တဲကျဲၤသကိးတၢ်လၢကဟဲအိၣ်ထီၣ်ဖဲ
လၢတၢ်ဒိးန့ၢ်ဘၣ်ထံကီၢ်ဒီဘ့ၣ်တၢ်ပတုာ်တၢ်ခးဝံၤအလီၢ်ခံအံၤန့ၣ်လီၤ.
NCCT အတၢ်ပာ်ဖျါစံးဝဲဒၣ်လၢကလုာ်ဒူၣ်ဖီၣ်စုကဝဲၤပၢၢ်ဆၢတၢ်ကရူၢ်သ့ၣ်တဖၣ်မၤတၢ်ဆၢတဲာ်ကျၢၤမုဆုလၢကဂဲၤလိာ်ဝဲသ ပှၢ်ပှၢ်တုၤလၢအဝဲသ့ၣ်ဒိးန့ၢ်ဘၣ်ဝဲအဝဲသ့ၣ်ထံရူၢ်ကီၢ်သဲးအတၢ်ပညိၣ်လၢအမ့ၢ်ဝဲ “ကီၢ်စၢဖှိၣ်လၢစဲးနီၢ်”န့ၣ်လီၤ.
NCCT စံးဝဲလၢကလုာ်ဒူၣ်ဖီၣ်စုကဝဲၤပၢၢ်ဆၢတၢ်ကရူၢ်သ့ၣ်တဖၣ်သူၣ်ထီၣ်ဝဲဒၣ်တၢ်အိၣ်ဃူအိၣ်ဖိးလိာ်က့ၤသးဒ်သိးဒီးတၢ်ကသ့ နုာ်လီၤမၤသကိးဃုာ်ဘၣ်တၢ်,ဃုာ်ဒီးတၢ်ပာ်သူၣ်ပာ်သးလၢအဘၣ်ဖဲတၢ်မၤကတၢၢ်ကွံာ်ထံလီၢ်ကီၢ်ပူၤတၢ်ဒုးတၢ်ယာ်အကျိၤအကျဲအပူၤ, တၢ်သူၣ်ထီၣ်ထံလီၢ်ကီၢ်ပူၤတၢ်မုာ်တၢ်ခုၣ်အကျိၤအကျဲအပူၤဒီးတၢ်မၤဂ့ၤထီၣ်က့ၤထံကီၢ်အကျိၤအကျဲပူၤအဂီၢ်န့ၣ် လီၤ.
NCCT စံးဃ့ထီၣ်ဝဲလၢကလုာ်ဒူၣ်သ့ၣ်တဖၣ်ကအိၣ်ဃူအိၣ်ဖိးလိာ်က့ၤအသးဒီးဟ့ၣ်သဆၣ်ထီၣ်ဝဲဒ်သိး တၢ်သူၣ်ထီၣ်ကလုာ် ဒူၣ်အတၢ်အိၣ်ဃူအိၣ်ဖိးလၢအပၣ်ဃုာ်ဒီးကလုာ်ဒူၣ်ခဲလၢာ်တကးဒံးဘၣ်,ပၣ်ဃုာ်စ့ၢ်ကီးဒီးပဒိၣ်လၢအပၢတၢ်တဖၣ်န့ၣ်လီၤ.