Menu

ခ့ၣ်အဲၣ်ယူၣ်ထံၣ်လိာ်အိၣ်ဖှိၣ်ဒီးသဝီခိၣ်နၢ်တဖၣ်ဒ်သိးကတဲနၢ်ပၢၢ်အါထီၣ်တၢ်ဘၣ်ဃးတၢ်ထၢထံဖိကီၢ်ဖိနီၣ်ဂံၢ်အတၢ်ဂ့ၢ်ကီတဖၣ်

...

ခ့ၣ်အဲၣ်ယူၣ်ထံၣ်လိာ်အိၣ်ဖှိၣ်ဒီးသဝီခိၣ်နၢ်တဖၣ်ဒ်သိးကတဲနၢ်ပၢၢ်အါထီၣ်တၢ်ဘၣ်ဃးတၢ်ထၢထံဖိကီၢ်ဖိနီၣ်ဂံၢ်အတၢ်ဂ့ၢ်ကီတဖၣ်

Karen News, 18 Feb 2014

URL: http://karennews.org/2014/02/knu-meets-village-heads-to-clarify-census-issues.html/
ကညီခိၣ်နၢ်တဖၣ်ထံၣ်လိာ်အိၣ်ဖှိၣ်သကိးဝဲဒ်သိးကတၢၣ်ပီၣ်သကိးတၢ်ဂ့ၢ်ဘၣ်ဃးတၢ်နီၤဖးလီၤကညီဖိအဒူၣ်အထၢဖဲတၢ်ထၢထံဖိကီၢ်ဖိနီၣ်ဂံၢ်အံၤန့ၣ်လီၤ.

ဖဲတၢ်မၤတၢ်သမံသမိးဒီးကညီတၢ်ကစီၣ်အကတီၢ်,ပဒိၣ်စီၤမီထူလၢအမ့ၢ်ခ့ၣ်အဲၣ်ယူၣ်ပှၤပၢၤလီၢ်ဆ့ၣ်နီၤဖဲကီးတရံးကီၢ်ဆၣ်စံးဝဲခ့ၣ်အဲၣ်ယူၣ်မၤဝဲတၢ်ကူၣ်လိာ်အိၣ်သကိးဖဲလါဖ့ၣ်ြဘူးအါရံၤအသီ ၁၀ အနံၤလၢကတၢၣ်ပီၣ်သကိးတၢ်ဘၣ်ဃးတၢ်ထၢထံဖိ ကီၢ်ဖိနီၣ်ဂံၢ်အံၤန့ၣ်လီၤ.

“ပကိးဃီၤဝဲသဝီခိၣ်နၢ်တဖၣ်ဖဲတၢ်အိၣ်ဖှိၣ်ဒီးဟ့ၣ်သဆၣ်ထီၣ်အဝဲသ့ၣ်ဒ်သိးတသူဝဲဒၣ်ပဒိၣ်တၢ်နီၤဖးလီၤကလုာ်ဒူၣ်အမံၤအသၣ်ဒ်အမ့ၢ်ကညီစှီၤဒီးကညီပှိၢ်တဖၣ်တဂ့ၤန့ၣ်လီၤ.မ့မ့ၢ်ဟ့ၣ်ဂံၢ်ဟ့ၣ်ဘါဝဲ
ဒ်သိးတၢ်ကသူဝဲထဲဒၣ်“ကညီ”ဖဲလၢအဝဲသ့ၣ်ဒိးန့ၢ်ဘၣ်ဝဲတၢ်သံကွၢ်ဘၣ်ဃးတၢ်ထၢထံဖိကီၢ်ဖိ နီၣ်ဂံၢ်အကတီၢ်န့ၣ်လီၤ.”ခဲကနံၣ်အံၤကညီလုာ်ဒူၣ်လၢပဒိၣ်ပာ်ပနီၣ်အီၤအိၣ်ဝဲ ၁၁ ဖုန့ၣ်လီၤ.လၢတၢ်ထၢ ထံဖိကီၢ်ဖိနီၣ်ဂံၢ်အဂီၢ်ပဒိၣ်အဲၣ်ဒိးသူဝဲ တၢ်နီၤဖးလီၤကလုာ်ဒူၣ်ဖိ,လၢကသူဝဲ“ကညီ”အလီၢ်န့ၣ်လီၤ.

ကညီခိၣ်နၢ်တဖၣ်အိၣ်ဒီးတၢ်သးဒ့ဒီလၢတၢ်သူဝဲတၢ်နီၤဖးလီၤကလုာ်ဒူၣ်ဖိဖဲတၢ်ထၢထံဖိကီၢ်ဖိနီၣ်ဂံၢ်အံၤကမ့ၢ်ဘၣ်ဖုးကျဲတဘိလၢအမၤလီၤဖးတၢ်ဒီးမၤစၢ်လီၤကလုာ်ဒူၣ်အတၢ်အိၣ်ဃူအိၣ်ဖိးန့ၣ်လီၤ.ဖဲတၢ်ကူၣ်လိာ်အိၣ်သ ကိးတၢ်အကတီၢ်ပဒိၣ်စံးဝဲလၢအတၢ်ပညိၣ်မ့ၢ်ဝဲဒ်သိးကဒိးန့ၢ်ဘၣ်ကညီကမျၢၢ်နီၣ်ဂံၢ်လီၤတံၢ်လီၤဆဲးဒီးသူဝဲကလုာ်ဒူၣ်ကမျၢၢ်အမံၤလၢအဘၣ်န့ၣ်လီၤ.

စီတ့ၣ်လွ့ၣ်,ကညီကီၢ်စဲၣ်ပဒိၣ်ခိၣ်နၢ်မၤတၢ်ဘၣ်ဃးကမျၢၢ်နီၣ်ဂံၢ်ဒီးတၢ်နုာ်လီၤဆူထံလီၢ်ကီၢ်ပူၤတဲဆူၣ်ထီၣ်က့ၤကညီခိၣ်နၢ်အသးဒီးစံးဝဲ,“ကညီကလုာ်အံၤအိၣ်ဒီးကလုာ်ဒူၣ်ကရူၢ်ဖိတဖၣ်န့ၣ်လီၤ.ပကိတိာ်ခိၣ်တဖၣ်ဘှါရှဲ
ဝဲတၢ်ဂ့ၢ်ကီအံၤဒီးကရူၢ်အါဖုပၣ် ဃုာ်ဝဲဖဲတၢ်ထၢထံဖိကီၢ်ဖိနီၣ်ဂံၢ်အပူၤန့ၣ်လီၤ.ဖဲလၢတၢ်ဃုထံၣ်သ့ၣ်ညါတၢ်ဘၣ်ဃးတၢ်ထၢထံဖိကီၢ်ဖိနီၣ်ဂံၢ်အကတီၢ်,တၢ်ဂ့ၢ်ပာ်ဖှိၣ်လၢဘၣ်တၢ်မၤနီၣ်မၤ ဃါလီၤအီၤဖဲခီၣ်ဖၠူထၢၣ်အံၤကအိၣ်ဖျါထီၣ်ဝဲထဲဒၣ်“ကညီ”န့ၣ်လီၤ.

ကီၢ်ပယီၤကိတိာ်ခိၣ်မၤတၢ်ဘၣ်ဃးတၢ်နုာ်လီၤဆူထံလီၢ်ကီၢ်ပူၤဒီးကမျၢၢ်နီၣ်ဂံၢ်စံးဝဲလၢတၢ်ထၢထံဖိကီၢ်ဖိနီၣ်ဂံၢ်အံၤကဒိးသန့ၤထီၣ်အသးလၢကလုာ်ဒူၣ် ၁၃၅ ကရူၢ်လၢဘၣ်တၢ်ပာ်ပနီၣ်အီၤခီဖျိကီၢ်ပယီၤပဒိၣ်,ဖဲလၢကရူၢ်လၢ တပၣ်ဃုာ်ဖဲကလုာ်ဒူၣ်စရီအ ပူၤတဖၣ်တၢ်ကမၤနီၣ်မၤဃါအီၤလီၤလီၤဆီဆီန့ၣ်လီၤ.

စီမၠၣ်အ့လၢယွၤတၤရှ့ၤသဝီဖဲကီးတရံးကီၢ်ဆၣ်စံးဘၣ်ကညီတၢ်ကစီၣ်လၢအဝဲကဟ့ၣ်လီၤအကလုာ်ဒူၣ်အမံၤယိယိဖိဒ်အမ့ၢ်“ကညီ”န့ၣ်လီၤ.အဝဲစံးဝဲ,“ဖဲလၢပှၤဟဲဃုထံၣ် သ့ၣ်ညါသမံသမိးတၢ်လၢ တၢ်ထၢထံဖိကီၢ်ဖိနီၣ်ဂံၢ်အခါယကဟ့ၣ်တၢ်စံးဆၢဒ်အ မ့ၢ်“ကညီ”န့ၣ်လီၤ.