ကီၢ်ပယီၤမ့ၢ်ဘၣ်ကွၢ်ဆၢၣ်မဲာ်တၢ်ဂ့ၢ်ကီဘၣ်ဃးတၢ်မၤဝံၤမၤတဲာ်ကွံာ်တၢ်ဃုထၢအဂီၢ်ပှၤဟ့ၣ်တၢ်ဖးစရီဖဲလီၢ်ကဝီၤလၢအိၣ်ဒီးကလုာ်ဒူၣ်တၢ်ဘၣ်
ဂံာ်ဂူာ်သ့ၣ်တဖၣ်အပူၤဘၣ်ဆၣ်သနာ်က့အဝဲသ့ၣ်အတၢ်တိာ်ကျဲၤအိၣ်လၢကဆဲးမၤဝဲတၢ်ဃုထၢဖဲလါနိၣ်ဝ့ဘၢၣ်အပူၤအဂ့ၢ်,တၢ်ဃုထၢခီမ့ရှၢၣ်
အပှၤပၢၤလီၢ်ဆ့ၣ်နီၤစံးဝဲဖဲမုၢ်ယူာ်အနံၤန့ၣ်လီၤ.

တၢ်ဃုထၢလၢတၢ်ကမၤအီၤဖဲလါနိၣ်ဝ့ဘၢၣ်အပူၤအဂီၢ်ထံကီၢ်အံၤစးထီၣ်ကတဲာ်ကတီၤထီၣ်အသးလံန့ၣ်လီၤ.တၢ်ဟ့ၣ်တၢ်ဖးလၢတၢ်သဘျ့
အပူၤအံၤမ့ၢ်ဝဲတၢ်မၤအသးအကါဒိၣ်တခါလၢတၢ်စံၣ်စိၤတဲစိၤအဂီၢ်,ဒီးဘၣ်တၢ်မၤအီၤအဆိကတၢၢ်တဘျီလၢ၂၅ နံၣ်အတီၢ်ပူၤ,စးထီၣ်လၢထံ
ကီၢ်လဲလိာ်က့ၤအသးဆူဒံၣ်မိၣ်ြခ့ၣ်စံၣ်တၢ်ပၢတၢ်ြပး(ဖဲလၢသုးမုၢ်အတၢ်ပၢတၢ်ြပး(၄၉)နံၣ်ကတၢၢ်ကွံာ်ဝဲဖဲ၂၀၁၁ နံၣ်န့ၣ်လီၤ.

တၢ်ဃုထၢအံၤကဘၣ်တၢ်မၤအီၤဖဲလါနိၣ်ဝ့ဘၢၣ်န့ၣ်အဂ့ၢ်,တ့ၣ်အ့လၢအမ့ၢ်ကီၢ်ပယီၤကီၢ်စၢဖှိၣ်ခီမ့ရှၢၣ်လၢတၢ်ဃုထၢတၢ်အဂီၢ်အပှၤပၢၤလီၢ်ဆ့ၣ်
နီၤစံးဘၣ်ဝဲပှၤကွဲးတၢ်ကစီၣ်ဖဲမုၢ်ယူာ်အနံၤန့ၣ်လီၤ.

အဝဲတဲအါထီၣ်စ့ၢ်ကီးဝဲဒၣ်လၢခီမ့ရှၢၣ်ကဘိးဘၣ်သ့ၣ်ညါဝဲတၢ်ဟ့ၣ်တၢ်ဖးအမူးအမုၢ်နံၤမုၢ်သီလီၤတံၢ်လီၤဆဲးဖဲလါအီကူးအပူၤန့ၣ်လီၤ.

တၢ်ဂ့ၢ်ကီလၢတၢ်ဘၣ်ကွၢ်ဆၢၣ်မဲာ်အီၤသ့ၣ်တဖၣ်အကျါ,တၢ်ကမၤဝံၤမၤတဲာ်ကွံာ်တၢ်ဃုထၢအဂီၢ်ပှၤဟ့ၣ်တၢ်ဖးစရီလၢထံလီၢ်ကီၢ်ပူၤပှၤလီၢ်အိၣ်
ကမှံဒဲကဝီၤဖဲကလုာ်ဒူၣ်တၢ်ဘၣ်ဂံာ်ဂူာ်အိၣ်အလီၢ်,ဒီးထံဖိကီၢ်ဖိလၢအိၣ်လၢထံဂုၤကီၢ်ဂၤသ့ၣ်တဖၣ်အဂီၢ်အံၤမ့ၢ်စ့ၢ်ကီးတၢ်ဂ့ၢ်ကီလၢတၢ်ဘၣ်ကွၢ်
ဆၢၣ်မဲာ်အီၤန့ၣ်အဂ့ၢ်,တ့ၣ်အ့စံးဝဲဒၣ်န့ၣ်လီၤ.

ခၢၣ်စးလၢကဒိးဃုထၢအသးဒီးတၢ်ဟ့ၣ်တၢ်ဖးလီၢ်ကဝီၤလၢတၢ်ပာ်ပနီၣ်ဃာ်အီၤသ့ၣ်တဖၣ်အံၤကဘၣ်တၢ်ဘိးဘၣ်သ့ၣ်ညါလီၤအီၤဖဲလါစဲးပ
ထ့ဘၢၣ်အပူၤန့ၣ်လီၤ.တၢ်ကမၤတၢ်ဟူးတၢ်ဂဲၤလၢတၢ်မၤတၢ်ဃုထၢအဂီၢ်တၢ်ဟ့ၣ်လီၤပာ်ဝဲတၢ်ဆၢကတီၢ်အသီ(၆၀)န့ၣ်လီၤ.

တၢ်ဟံးန့ၢ်ကမျၢၢ်တၢ်ဘၣ်သးတမံၤဂ့ၤတမံၤဂ့ၤလၢတၢ်သူၣ်ထီၣ်တၢ်ဘျၢသဲစးခိၣ်သ့ၣ်အဖီခိၣ်တၢ်ကြၢးမၤအီၤလၢလီၢ်ခံအဂ့ၢ်န့ၣ်အဝဲစံးစ့ၢ်ကီးဝဲ
ဒၣ်န့ၣ်လီၤ.

ထံရူၢ်ကီၢ်သဲးပှၤတီခိၣ်ရိာ်မဲတၢ်သ့ၣ်တဖၣ်တၢၣ်ပီၣ်သကိးဝဲဘၣ်ဃးတၢ်ဟံးန့ၢ်ကမျၢၢ်တၢ်ဘၣ်သးတကတီၢ်ဃီ,ဒီးတၢ်ဟ့ၣ်တၢ်ဖးဒ်သိးတၢ်က
ဘှီဘၣ်မၤဂ့ၤထီၣ်က့ၤတၢ်ဘျၢသဲစးခိၣ်သ့ၣ်လၢအိၣ်ဒီးတၢ်ဂ့ၢ်လိာ်ဘှီလိာ်(ဒ်အမ့ၢ်တၢ်ပၢၤဃာ်ထံကီၢ်သုးမုၢ်အတၢ်စိတၢ်ကမီၤဒီးတၢ်ြတီဃာ်အီၣ်
စါစူးကၠံၣ်လၢကကဲထီၣ်ဝဲကီၢ်ခိၣ်အဂီၢ်)သ့ၣ်တဖၣ်န့ၣ်လီၤ.

ဘၣ်ဆၣ်ဒီးကမျၢၢ်အတၢ်ဘၣ်သးအံၤကဘၣ်အိၣ်ဒီးတၢ်ဒိးန့ၢ်ဘၣ်တၢ်ဆီၣ်ထွဲမၤစၢၤလၢသုးမုၢ်ဒီးထံရူၢ်ကီၢ်သဲးပှၤဟူးဂဲၤတၢ်ဖိသ့ၣ်တဖၣ်ကဘၣ်
ပာ်ဖျါထီၣ်ဝဲတၢ်ဘျၢသဲစးခိၣ်သ့ၣ်လၢအဝဲသ့ၣ်အဲၣ်ဒိးဆီတလဲမၤဘၣ်လိာ်က့ၤအီၤသ့ၣ်တဖၣ်န့ၣ်လီၤ.