ခိၣ်နၢ်လၢ ကညီဒီကလုာ်စၢဖှိၣ်ကရၢ (KNU), ဒီးတၢ်သူၣ်ထီၣ်က့ၤယိၤဒိၣ်ကီၢ်စဲၢ် ကီၣ်ကးကရၢ (RCSS), တဖၣ် ထံၣ်လိာ်အသး ဖဲ၀့ၢ်က့ၢ်မဲ
လါအ့ြဖ့ၣ် (၃၀) သီ, လၢတၢ်ကတၢၣ်ပီၣ်သကိး တၢ်မုာ်တၢ်ခုၣ်အဂ့ၢ်, ခ့ၣ်အဲၣ်ယူၣ် ကညီဒီ ကလုာ်စၢဖှိၣ်ကရၢ သုးခိၣ်ကျၢၣ်ဖိ စီၤအါစဲးဖိစံး
၀ဲန့ၣ်လီၤ.

လၢတၢ်ထံၣ်လိာ်တၢၣ်ပီၣ်သကိး၀ဲအံၤ, လၢ KNU ခၢၣ်စးတပၤဘၣ်တၢ်တီခိၣ်ရိၣ်မဲအီၤလၢ KNU ကရၢခိၣ်စီၤမူၤတူ စ့ဖိ, ဒီး လၢ RCSS ခၢၣ်
စးတပၤ ဘၣ်တၢ်တီခိၣ်ရိၣ်မဲအီၤလၢ RCSS ကရၢခိၣ်သုးခိၣ်ကျၢၢ်ဂီၢ်ဂ့ၢ် ယီစၢးန့ၣ်လီၤ.

စီၤအါစဲးဖိစံး၀ဲ, "ပအိၣ်ဖှိၣ်တဲသကိးဘၣ်ဃး တၢ်သူၣ်ထီၣ်ကီၢ်စၢဖှိၣ် ဒီး တၢ်မုာ်တၢ်ခုၣ်အဂ့ၢ်အကျိၤတဖၣ်လီၤ."

ဘၣ်ဆၣ်လၢ RCSS ခၢၣ်စးတခီ ဘၣ်ဃးတၢ်အိၣ်ဖှိၣ်အဂ့ၢ်အကျိၤ တပာ်ဖျါဝဲနီတမံၤဘၣ်.

ကလုာ်ဒူၣ်လၢအဖီၣ်စုကဝဲၤဃိးဒူၣ် လၢအဆဲးလီၤတ့ၢ်စုမုၢ်ကျၢၢ် လၢ တၢ်အၢၣ်လီၤအီလီၤ ဘၣ်ဃး ကီၢ်ဒီတဘ့ၣ်တၢ်ပ တုာ်တၢ်ဒုးတၢ်ခး ဖဲအပူာ်
ကွံာ်လါအီးကထိဘၢၣ်ပူၤတဖၣ်, ဒုးအိၣ်ထီၣ်၀ဲ ပၢဆှၢတၢ်ကမံးတံာ်တဖုလၢ ကတီခိၣ်ရိၣ်မဲ တၢ်ထံၣ်လိာ်ကတိၤတၢ်ဒီး ကီၢ်ပယီၤပဒိၣ်အဂီၢ်,
ဖဲလါမးၡးအပူၤ ဃုထၢထီၣ်၀ဲစီၤမူၤတူစ့ဖိလၢ ကမံးတံာ်အခိၣ် ဒီး ယီစၢးလၢကမံးတံာ်ခိၣ် ခံဂၤတဂၤန့ၣ်လီၤ.

ကမံးတံာ်တဖုအံၤ ဘၣ်တၢ်ဒုးအိၣ်ထီၣ်အီၤ ဒ်သိး ကထံၣ်လိာ်ကတိၤတၢ်ဒီး ကလုာ်ဒူၣ်ဖီၣ်စုကဝဲၤ လၢတဆဲးလီၤဒံး စုမုၢ်ကျၢၢ် လၢတၢ်ပတုာ်တၢ်
ဒုးတၢ်ခး အတၢ်အၢၣ်လီၤအပူၤတဖၣ်, ဒီးလၢကတဲသကိးတၢ်ဒီး ကီၢ်ပယီၤပဒိၣ်အဂီၢ်, တ ကတီၢ်ဃီကဟံးစုနဲၣ်ကျဲ ဘၣ်ဃး ဂ့ၢ်ဂီၢ်အူတၢ်ဆၢတဲာ်
လၢအိၣ်ထီၣ်တဘျီလၢ်လၢ် အဂ့ၢ်, ခၠီဒီတကလုာ်ဂံၢ်ဘါစၢဖှိၣ် အပှၤပၢၤလီၢ်ဆ့ၣ်နီၤ ခံဂၤတဂၤ, စလဲလံးမိ စံးဝဲဒၣ်လီၤ.

RCSS စံးဝဲလၢ အကမၤသကိးတၢ်ဒီး ကလုာ်ဒူၣ်ဖီၣ်စုကဝဲၤ ဒီးထံရူၢ်ကီၢ်သဲးပၣ်တံၣ်ခဲလၢာ် လၢတၢ်မုာ်တၢ်ခုၣ်အကျဲ ဒ်သိးကဘှါၡဲ တၢ်တဲးလိာ်
ဃိလိာ် လၢအမၤသးဆၢကတီၢ်အံၤ ဒီးသူၣ်ထီၣ်သကိး ကီၢ်စၢဖှိၣ်အဂီၢ်န့ၣ်လီၤ.