သရၣ်လၢအသိၣ်လိကလုာ်ဒူၣ်ကျိာ်တဖၣ် တၢ်ကူၣ်ဘၣ်ကူၣ်သ့ကိတိၤ ကဟ့ၣ်အ၀ဲသ့ၣ်ကိးလါဒဲးအဘူးအလဲ, အဂ့ၢ်,
ကီၢ်စၢဖှိၣ်ကိ တိၤဘၣ်ဃးတၢ်ကူၣ်ဘၣ်ကူၣ်သ့ ဒီးကထၢၣ်မၠိသ့ကၠံ စံးဘၣ်သဲစးဘျီၣ်ဒိၣ်အဖီခိၣ်တတီၤ မဟါတနံၤန့ၣ်
လီၤ. ကိတိၤခိၣ်တဲအါထီၣ် ၀ဲလၢ, လၢတၢ်ကဟ့ၣ်သရၣ်လၢ အသိၣ်လိကလုာ်ဒူၣ်ကျိာ်တဖၣ် အလါလဲအဂီၢ်, တၢ်ပာ်
လီၤစဲၢ်ပာ်စၢၤစ့ဘးကၠဲး, ဒီးလၢအခဲအံၤဒၣ် လဲာ် တၢ်ပာ်လီၤလံတၢ်ရဲၣ်တၢ်ကျဲၤလၢ တၢ်ကဟ့ၣ်နီၤလီၤတၢ်မၤလိကၠိအလံာ်
လၢ ကလုာ်ဒူၣ်ကျိာ် ၄၉ ကျိာ်အဂီၢ်ကလီကလီလၢ ကၠိဖိ ၅၄၀,၀၀၀ ဂၤအဂီၢ် လၢကီၢ်ဆၣ် ၁၈၇ ဘ့ၣ်, ဖဲ ၂၀၁၆-၂၀၁၇
တၢ်မၤလိနံၣ်အတီၢ်ပူၤလီၤ.

ဒ်ကိတိၤခိၣ်စံး၀ဲအသိး, ကလုာ်ဒူၣ်ကျိာ်တၢ်မၤလိကၠိအလံာ်တဖၣ် ဘၣ်တၢ်ပာ်ဂၢၢ်ပာ်ကျၢၤအီၤလၢ ကလုာ်ဒူၣ်လံာ်လဲၢ်ဒီး
တၢ်ဆဲး တၢ်လၤကရၢတဖၣ် ဒီးတၢ်ဟ့ၣ်နီၤလီၤလံဆူ ကၠိဖိအတီၤ ၁, ၂, ဒီး ၃ အအိၣ်လံအဂ့ၢ်လီၤ. လၢကၠိတၢ်မၤလိနံၣ်
တနံၣ်အံၤအဂီၢ်, တၢ်ရဲၣ်တၢ်ကျဲၤတအိၣ်လၢ တၢ်ကဃုအါထီၣ်ကၠိသရၣ်လၢ ကသိၣ်လိကလုာ်ဒူၣ်ကျိာ်ဘၣ်, မ့ၢ်လၢက
လုာ်ဒူၣ်အသရၣ်ဒၣ်၀ဲဒီး ဟီၣ် က၀ီၤမုာ်သးမၤကလီတဖၣ် သိၣ်လိလံဖိသၣ်လၢအ၀ဲသ့ၣ်ကလုာ်အကျိာ်ဒၣ်၀ဲလံအဃိန့ၣ်
လီၤ. ဘၣ်ဆၣ်လၢခဲကိာ်တနံၣ်ဒီး ဆူညါ နံၣ်အဂီၢ်, တၢ်ကပာ်ထီၣ်ကၠိသရၣ်လၢ ကသိၣ်လိကလုာ်ဒူၣ်ကျိာ် လၢကၠိဖိအဂီၢ်,
ဒီးဘၣ်ဃးဒီးတၢ်မၤ၀ဲအံၤ လီၢ်က၀ီၤပဒိၣ်တဖၣ်က ရဲၣ်ကျဲၤမၤ၀ဲ အဂ့ၢ်န့ၣ်လီၤ.