မဟါတနံၤ သဲးစးဘျီၣ်ဒိၣ်ခၢၣ်စးတဖၣ် တဲသကိး၀ဲတၢ်ဆှၢနုာ်လၢ တၢ်ကသိၣ်လိကလုာ်ဒူၣ်ကျိာ် လၢကၠိတၢ်သိၣ်
လိအဆၢကတီၢ် လီၢ်ခံကတၢၢ် ၄၅ မံးနံး, တမ့ၢ်လၢကၠိတၢ်သိၣ်လိဆၢကတီၢ် အချၢဘၣ်လီၤ.

တၢ်ဆှၢနုာ်အ၀ဲအံၤ မ့ၢ်သဲစးဘျီၣ်ဒိၣ်အဖီခိၣ်တတီၤအခၢၣ်စး အူလါမ့ၣ်ဟဲၣ် လၢ NLD ခၠီကီၢ်စဲၣ် တၢ်ဖးဟီၣ်က၀ီၤ
နီၢ်ဂံၢ် (၁၀) စံး ဆၢကဒါက့ၤ တၢ်သိၣ်တၢ်သီလၢတၢ်ပာ်ဂၢၢ်ပာ်ကျၢၤအီၤ ဖဲ ၂၀၁၄-၂၀၁၅ ကၠိနံၣ်တီၢ်ပူၤ လၢအစံး
ကလုာ်ဒူၣ်အကျိာ် တၢ်သိၣ်လိ အီၤသ့ ထဲလၢကၠိတီၤအချၢန့ၣ်လီၤ.

ဘျီၣ်ဒိၣ်ခၢၣ်စး ဒီး အပူၤကွံာ်ဘျီၣ်ဒိၣ်အခိၣ် အူခ့ၤအီၣ်မၠံၣ် (USDP; Mandalay 8) ဟ့ၣ်ဂံၢ်ဟ့ၣ်ဘါပဒိၣ်လၢ "က
ကွၢ်ထံဆိကမိၣ် တၢ်တိာ်ကျဲၤလီၤဆီလၢ တၢ်ကမၤဆံးလီၤစှၤလီၤ ပှၤကွဲးလံာ်ဖးလံာ်တသ့အနီၢ်ဂံၢ်, ဒ်သိးကၠိဖိတဖၣ်
ကမၤလိဘၣ်တၢ်ကူၣ်ဘၣ် ကူၣ်သ့ထီထီၣ်, ဒီးတၢ်ကဒုးအိၣ်ထီၣ် ကလုာ်ဒူၣ်လံာ်လဲၢ် လၢကလုာ်ဒူၣ်ခဲလၢာ်အဂီၢ်န့ၣ်လီၤ.

အူလါမ့ၣ်ဟဲၣ် ဒုးနဲၣ်၀ဲတၢ်ကွဲးအသးတတီၤလၢ ၂၀၀၈ ဂံၢ်ခီၣ်ထံးတၢ်ဘျၢသဲစးအပူၤ လၢအစံးတၢ်မုၢ်လၢ်ကွၢ်စိလၢ
တၢ်ကဒုးအိၣ် ထီၣ်လံာ်လဲၢ်အကျိာ်, တၢ်သ့တၢ်ဘၣ်, ဒီးတၢ်ဆဲးတၢ်လၤ လၢထံကီၢ်ကလုာ်ဒူၣ်ခဲလၢာ်အဂီၢ်လီၤ.

တၢ်စးထီၣ်သိၣ်လိကလုာ်ဒူၣ်အကျိာ်လၢ ၂၀၁၄-၂၀၁၅ တီၢ်ပူၤ မ့ၢ်ခီၣ်ခါဆူညါတခါလၢ တၢ်ဂံၢ်ဃုာ်ပာ်ဖှိၣ် ကလုာ်
ဒူၣ်အကျိာ်လၢ တၢ်ကူၣ်ဘၣ်ကူၣ်သ့အတကွီၢ်အပူၤ, မ့ၢ်လၢတချုးလၢ တၢ်ဆီတလဲ၀ဲန့ၣ်အိၣ်ထီၣ်ဒံးဘၣ် တၢ်သိၣ်
လိကလုာ်ဒူၣ်အကျိာ် လၢကၠိတၢ် သိၣ်လိဆၢကတီၢ်တန့ၢ်အဃိ, ဘၣ်ဆၣ်ကၠိသရၣ်ဒီးကၠိဖိတဖၣ် ကဘၣ်အိၣ်တ့ၢ်
လၢတၢ်ကမၤလိကလုာ်ဒူၣ်ကျိာ်အဂီၢ် ဖဲကၠိတၢ်သိၣ် လိဆၢကတီၢ် ၀ံၤအလီၢ်ခံလီၤ.