မိၣ်ကီၢ်စဲၣ်ပဒိၣ် ထုးထီၣ်ဟ့ၣ်လီၤ ဟံၣ်ဃီတၢ်ဆဲးလီၤမံၤသၣ်အလံာ် ဆူသုးလီၢ်ပှၤမၤတၢ်ဖိ ၁၅၀၀ ဘျဲၣ်အဂီၢ် လၢ
ကီၢ်ဆၣ် ၁၀ ဘ့ၣ် အပူၤလၢမိၣ်ကီၢ်စဲၣ်, အဂ့ၢ် မိၣ်ကီၢ်စဲၣ် တၢ်နုာ်လီၤဟးထီၣ်ထံလီၢ်ကီၢ်ပူၤ ဒီးပှၤနီၢ်ဂံၢ်နီၢ်ဒွးစရီ၀ဲၤ
ကျိၤ အတၢ်ပာ်ဖျါလၢအပူၤကွံာ်မ ဟါတနွံ စံး၀ဲလီၤ.

သုးလီၢ်ပှၤမၤတၢ်ဖိဟံၣ်ဒူၣ် ၁,၅၇၀ ဒူၣ် ဒိးန့ၢ်ဟံၣ်ဃီတၢ်ဆဲးလီၤ မံၤသၣ်အလံာ်, လၢအကျါဟံၣ်ဒူၣ် ၃၅၂ ဒူၣ်လၢ
မီၣ်လ်မၠဲၣ်ကီၢ်ဆၣ်, ၂၁၉ ဒူၣ်လၢယ့ကီၢ်ဆၣ်, ၁၆၉ ဒူၣ်လၢပီၣ်ကီၢ်ဆၣ်, ဒီး ၈၁ ဒူၣ်လၢ သၣ်ဖၠူၣ်စယၣ်ကီၢ်ဆၣ်န့ၣ်
လီၤ. သုးလီၢ်ပှၤမၤတၢ်ဖိတဖၣ် အိၣ်ဟဲ လၢကီၢ်ပယီၤထးခီ လၢအမ့ၢ်အ့ယၣ်၀တံၣ်, မါတလ့, စကဲ, ၀့ၢ်တ ကူၣ်ဒီး
ပကိကီၢ်ခီတဖၣ်လီၤ.

"ပထုးထီၣ်ဟ့ၣ်လီၤ ဟံၣ်ဃီတၢ်ဆဲးလီၤမံၤသၣ်အလံာ် လၢသုးလီၢ် ပှၤမၤတၢ်ဖိဟံၣ်ဒူၣ် ၁,၅၇၀ ဒူၣ်အဂီၢ် လၢမိၣ်
ကီၢ်စဲၣ်ဒီတဘ့ၣ်ညါ န့ၣ်လီၤ. လၢန့ၣ်အမဲာ်ညါ ပထုးထီၣ်ဟ့ၣ်လီၤစ့ၢ်ကီး ဟံၣ်ဃီတၢ် ဆဲးလီၤမံၤသၣ်အလံာ်လၢ
တစိၢ်တလီၢ်အဂီၢ် လၢသုးလီၢ်ပှၤမၤတၢ် ဖိ ၁,၂၇၁ ဂၤအဂီၢ်လီၤ." အူသ့၀့, လၢအမ့ၢ်ပှၤနဲၣ်တၢ်လၢ မိၣ်ကီၢ်စဲၣ်
တၢ်နုာ်လီၤဟးထီၣ်ထံလီၢ်ကီၢ်ပူၤဒီး ပှၤနီၢ်ဂံၢ်နီၢ်ဒွး၀ဲၤကျိၤ, စံး ၀ဲ လၢတၢ်ထံၣ်လိာ်သမံထံဒီး MNA တၢ်ကစီၣ်
ဖဲလါအီးထိဘၢၣ် (၁၄) သီကတီၢ်န့ၣ်လီၤ.

သုးလီၢ်ပှၤမၤတၢ်ဖိ ဟံၣ်ဃီတၢ်ဆဲးလီၤမံၤသၣ်အလံာ် တၢ်ဟ့ၣ်လီၤထဲလၢ သုးလီၢ်ပှၤမၤတၢ်ဖိလၢအိၣ်တ့ၢ်လၢကီၢ်
စဲၣ်အပူၤ န့ၢ် ၃ နံၣ် ဒီးအမံၤအိၣ်လံလၢဖးဖီမုၢ်စရီအပူၤ, ဒီးဟ့ၣ်ထီၣ်လံာ်အုၣ်သးသ့ လၢအ၀ဲသ့ၣ်က၀ီၤဒ့ခိၣ်နၢ်
ပှၤဘၣ်မူဘၣ်ဒါအအိၣ် အဂ့ၢ်, တၢ် နုာ်လီၤဟးထီၣ်ထံလီၢ်ကီၢ်ပူၤဒီး ပှၤနီၢ်ဂံၢ်နီၢ်ဒွးစရီ၀ဲၤကျိၤ, စံး၀ဲလီၤ.

"သုးလီၢ်ပှၤမၤတၢ်ဖိလၢအိၣ်လၢကီၢ်စဲၣ်အပူၤ ဃုလါဒီးအါန့ၢ်အန့ၣ် ဘၣ်ဆၣ်စှၤန့ၢ်ဒံး ၃ နံၣ်တဖၣ်, ပဟ့ၣ်လီၤအ
၀ဲသ့ၣ်သ့ထဲလၢ မံၤသၣ်စရီအလံာ်လၢတစိၢ်တလီၢ်အဂီၢ်လီၤ." အူၡ့ၤ၀့ စံးအါထီၣ်၀ဲလီၤ.

ပဒိၣ်အလံာ်စရီ လၢမိၣ်ကီၢ်စဲၣ်တၢ်နုာ်လီၤဟးထီၣ် ထံလီၢ်ကီၢ်ပူၤဒီးပှၤနီၢ်ဂံၢ်စရီ၀ဲၤကျိၤ, ထၢဖှိၣ်၀ဲစးထီၣ် လါမ့ၤ ၁
သီ တုၤလါအီး ထိဘၢၣ်စးထီၣ် ၂၀၁၆ အတီၢ်ပူၤ, ပာ်ဖျါ၀ဲလၢမိၣ်ကီၢ်စဲၣ်အပူၤ သုးလီၢ်ပှၤမၤတၢ်ဖိအိၣ်၀ဲ ၁၁,၉၉၃
ဂၤလီၤ. လၢအကျါ ၈,၆၉၁ ဂၤမ့ၢ်ပှၤမၤတၢ်ဖိလၢအိၣ်တ့ၢ်ယံာ်လံ ဒီး ၃,၃၀၂ ဂၤမ့ၢ်ပှၤမၤတၢ်ဖိလၢ ဟဲအိၣ်တစိၢ်တ
လီၢ်တဖၣ်လီၤ.