၀့ၢ်တကူၣ် - ကီၢ်ပယီၤ, ဃုာ်ဒီးကီၢ်ယပၣ် ကအိးထီၣ်တၢ်သိၣ် လိဘၣ်ဃး တၢ်ကွၢ်ထွဲပှၤသူၣ်ခ့သးပှၢ်, ဖဲ၀့ၢ်တကူၣ်ကမျၢၢ်တၢ်ဆါ ဟံၣ်, အဂ့ၢ် တၢ်အိၣ်ဆူၣ်အိၣ်ချ့ကိတိာ်, စံး၀ဲလီၤ.

ကီၢ်စၢဖှိၣ်တၢ်အိၣ်ဆူၣ်အိၣ်ချ့ဒီး တၢ်လိၣ်ခိၣ်လိၣ်ကွဲကိတိာ်ခိၣ် မဟါတနံၤတၢၣ်ပီၣ်သကိး၀ဲဒီးယပၣ်တၢ်လၤကပီၤကီၢ်စူလၤ Honorary Japanese Consular ဘၣ်ဃးတၢ်ကအိးထီၣ်တၢ်သိၣ်လိတခါ လၢတၢ်ကကွၢ်ထွဲပှၤ သူၣ်ခ့သးပှၢ်အဂီၢ်, လၢအထံၣ်လိာ် စ့ၢ်ကီးဒီးပဒိၣ်ပှၤဘၣ်မူဘၣ်ဒါ လၢအတိာ်ပာ်ကဟ့ၣ်တၢ်မၤစၢၤလၢကီၢ်ပယီၤအဂီၢ်လီၤ.

ဘၣ်ဃးတၢ်ဂ့ၢ်, တၢ်အိၣ်ဆူၣ်အိၣ်ချ့ကိတိာ် ဒီးက်ထၢၣ်မၠ့ၣ်ထွ့စံး၀ဲလၢ အ၀ဲဒၣ်အဲၣ်ဒိးအိးထီၣ် တၢ်ကွၢ်ထွဲပှၤသးပှၢ်တၢ်ဟ့ၣ်တၢ်သိၣ် လိကၠိတဖျၢၣ် ဒီးပှၤယပၣ်ဖိအတၢ်မၤစၢၤ, မုၢ်လၢ်၀ဲလၢကဒုးအိၣ်ထီၣ် တၢ်ခွဲးတၢ် ယာ် လၢပှၤသူၣ်ဘီၣ်သးစၢ်အဂီၢ် ဒီးယပၣ်အပှၤ သိၣ်လိတၢ် သိၣ်လိတၢ်သ့ဖဲတၢ်သိၣ်လိကၠိန့ၣ်လီၤ. အ၀ဲဒၣ်သဆၣ်ထီၣ်ယပၣ်ပဒိၣ်ခိၣ်နၢ်တဖၣ် လၢကဟ့ၣ်ကီၢ်ပယီၤပှၤဖျိထီၣ်ကၠိ လၢကၠိဖဲန့ၣ်အတၢ်မၤ လၢကီၢ်ယပၣ်လီၤ.

ကိတိာ်ဘၣ်ဃးပှၤမၤတၢ်ဖိ, တၢ်နုာ်လီၤဟးထီၣ်ထံလီၢ်ကီၢ်ပူၤ ဒီးပှၤနီၣ်ဂံၢ်စရီ, ပာ်ဖျါ၀ဲလၢယပၣ်ပဒိၣ်ဟ့ၣ်လံကီၢ်ပယီၤပှၤမၤတၢ် ဖိအတၢ်မၤ လၢတၢ်ကွၢ်ထွဲပှၤသးပှၢ်လၢကီၢ်ယပၣ်န့ၣ်လီၤ. လၢကီၢ်ပယီၤပှၤမၤတၢ်ဖိ လၢသးအိၣ်မၤ တၢ်ဘၣ်ဃးတၢ်ကွၢ်ထွဲပှၤသး ပှၢ်တဖၣ်အဂီၢ်, အ၀ဲသ့ၣ်ကန့ၢ်ဘၣ်တၢ်ဘူးတၢ်လဲ ဒ်ကီၢ်ယပၣ်ပဒိၣ်ပာ်ပနီၣ်၀ဲအသိးလီၤ.