ကညီခိၣ်နၢ်လၢထံထၣ်စွ့ကီၢ်ဒိၣ် တကနၣ်ဃုာ်တၢ်ဟ့ၣ်ပလီၢ်ဒီးတၢ်မၤပျံၤလၢပယီၤပဒိၣ် လၢအကျဲးစၢးပတုာ် ကညီကမျၢၢ်တၢ်မၤ သ့ၣ်နီၣ် ကိးနံၣ်ဒဲးမၤထူရၤမုၢ်နံၤ, ဖဲလါအီကူး ၁၂ သီလီၤ.

ကညီခိၣ်နၢ်လၢဟီသတးကီၢ်ဆၣ်တဖၣ် သးထီၣ်ပယီၤပဒိၣ်လၢအမၤတံာ်တာ် ဒီးမၤပျံၤမၤဖုးတၢ်မၤသ့ၣ်နီၣ်ထီၣ် ၆၈ ၀ီတ၀ီ ကညီမၤထူရၤမုၢ်နံၤ ဒီးတၢ်ဆှိးကွီၢ်အဃိလီၤ.

ခိၣ်နၢ်လၢကညီကမျၢၢ်ပၣ်တံၣ်တဖၣ်စံး၀ဲ, အ၀ဲသ့ၣ်တကနၣ်ဃုာ်တၢ်ဟ့ၣ်ပလီၢ်ဒီးတၢ်မၤပျံၤ လၢပဒိၣ် ဒီးမၤဒၣ်တၢ်ကညီမၤထူရၤ မုၢ်နံၤလီၤ.

ကညီမၤထူရၤမုၢ်နံၤတၢ်ဟူးတၢ်ဂဲၤပၣ်ဃုာ်၀ဲ တၢ်သး၀ံၣ်ကညီဒီကလုာ်တၢ်သး၀ံၣ်, တၢ်ယူးယီၣ်ကညီနီၣ်တယၢ်, တၢ်ယူးယီၣ်က ညီမၤထူရၤလၢအသံတ့ၢ်, ဒီးတၢ်ပာ်လီၤဖီကွီၤလၢ ကီၢ်ဆၣ်တဘ့ၣ်စုာ်စုာ်ဟ့ၣ်လီၤ၀ဲတဖၣ်လီၤ.

ပှၤကရၢကရိတၢ်အမူးစံး၀ဲလၢ, စီၤကၠီၤကၠံ, လၢအမ့ၢ် ကညီကမျၢၢ်ပၣ်တံၣ်လၢ ဟီသတးကီၢ်ဆၣ်, လၢအကရၢကရိတၢ်အမူး, ဃုာ် ဒီးပဒိၣ်မါည့မီၣ်, ကညီဒီကလုာ်စၢဖှိၣ်ကရၢ သိၣ် မှံၤဂ့ၢ်၀ီ၀ဲၤကျိၤခိၣ် ဒီးပၢဆှၢတၢ်ကမံးတံာ်ကရၢဖိ, ဒီးပှၤကရၢကရိတၢ်အဂၤသၢဂၤ, အခဲအံၤဘၣ် တၢ်ဃိထံသ့ၣ်ညါအီၤလၢ ကီၢ်ဆၣ်၀ဲၤဒၢးန့ၣ်လီၤ.

ကညီဒီကလုာ်စၢဖှိၣ်ကရၢ ပၢဆှၢတၢ်ကမံးတံာ်ကရၢဖိ, ပဒိၣ်မါည့မီၣ် စံး၀ဲလၢတၢ်ြတီမၤတံာ်တာ်လၢပဒိၣ် မ့ၢ်တၢ်ကျဲးစၢးပတုာ်တီ တီ တၢ်မၤမၤထူရၤမုၢ်နံၤ ဒီးတၢ်ထံၣ်အီၤဒ်တမ့ၢ်တၢ်မၤလၢအဘၣ်တခါဘၣ်လီၤ.

"တၢ်မၤလၢအမၤတံာ်တာ် ဒီးတပာ်ကဲကလုာ်ဒူၣ်ကမျၢၢ်အမိၢ်လုၢ်ပၢ်လၢ်, တၢ်ဆဲးတၢ်လၤ, ဒီးတၢ်စံၣ်စိၤတဲစိၤအတၢ်န့ၢ်သါ, မ့ၢ်တၢ် ဒုၣ်ဒွဲၣ်ကလုာ်ဒူၣ်ကရူၢ်အသူးသ့ၣ်လၤကပီၤလီၤ. မ့ၢ်တၢ်လၢအဒုၣ်ဒွဲၣ်ကညီကလုာ်ခဲလၢာ်လီၤ.

အ၀ဲသ့ၣ်ကဘၣ်ဟံးမူဒါလၢတၢ်မၤ အံၤအဃိလီၤ. တၢ်မၤဒ်သိးအံၤတကလုာ် မ့ၢ်တၢ်မၤအါထီၣ်တၢ်ကီတၢ်ခဲ လၢတၢ်မုာ်တၢ်ခုၣ်တၢ်မၤကျဲလၢအဆဲးမၤသး, ဒီးဒီက လုာ်တၢ်ဃူလိာ်ဖိးလိာ်က့ၤအဂီၢ်လီၤ.

တၢ်မၤသ့ၣ်နီၣ်မၤထူရၤမုၢ်နံၤ ကမျၢၢ်ဟဲထီၣ်ဒိကနၣ်တၢ်သးစၢ်အိၣ်၀ဲ ၁,၀၀၀ ဃၣ်ဃၣ်, လၢမၠဲၤအီၣ်, လ့မၠဲၣ်နၤ, စလိၤ, ဒနူၣ်ဖၠူၤ, မအူၤပ့ၤ ဒီးဟီသတးကီၢ်ဆၣ်တဖၣ်လီၤ.