တၢ်ဂ့ၢ်လၢကမျၢၢ်တီၣ်ထီၣ်၀ဲ ဆူကညီကီၢ်စဲၣ်ပဒိၣ် ကမံးတံာ်ဘၣ်ဃး တၢ်အုၣ်ကီၤ, တၢ်အၢၣ်လီၤ, တၢ်ကွၢ်သမံသမိး, တၢ်ကဒူးက ဒ့ၣ်ဒီးတၢ်ဃ့ထီၣ် လၢတနံၣ်အံၤအတီၢ်ပူၤ, ဟီၣ်ခိၣ် တၢ်ဂ့ၢ်မ့ၢ် ၉၉ မျးကယၤလီၤ, အဂ့ၢ် ကမံးတံာ်ပှၤပၢၤလီၢ်ဆ့ၣ်နီၤ အူစီလၣ် မၠ့ၣ်, စံး၀ဲလီၤ.

"စံာ်လီၢ်တၢ်ဂ့ၢ်မ့ၢ် ၉၉ မျးကယၤလီၤ. တလါတလါ ပဒိးန့ၢ်ဘၣ် တၢ်ဂ့ၢ်ဒ် န့ၣ် ၅ ခါ တုၤ အခါ ၁၀ လီၤ. တၢ်ဂ့ၢ်လၢအဂၤ (တၢ်က ဒူးကဒ့ၣ်) တဖၣ်အိၣ်ဒၣ်ထဲ တခါခံခါလီၤ." အ၀ဲဒၣ်စံး ဘၣ်ကညီ တၢ်ကစီၣ်ဖဲလါအီး ထိဘၢၣ် ၁၂ သီလီၤ.

ဟီၣ်ခိၣ်တၢ်ဂ့ၢ်တဖၣ်ပၣ်ဃုာ်၀ဲ တၢ်ဂ့ၢ်လၢဘၣ်ထွဲဒီးသုး, ပဒိၣ်, ကလုာ် ဒူၣ်ဖီၣ်စုက၀ဲၤကရူၢ် ဒီးခီပနံၣ်တဖၣ်လီၤ.

လၢမၤန့ၢ်တၢ်လၢပဒိၣ်ဂီၢ် ဘၣ်ဃးတၢ်အုၣ်ကီၤ, တၢ်အၢၣ်လီၤ ဒီးတၢ် ကွၢ်သမံသမိးအမဲာ်ညါ, ကမံးတံာ်ဘၣ်မၤစ့ၢ်ကီး တၢ်ကနၣ်တၢ်ဂ့ၢ်ဒီး တၢ်ကွၢ်ကဒါက့ၤတၢ်ဂ့ၢ်, ဘၣ်လီၤသမံသမိးတၢ်ဂ့ၢ်လၢပျီပူၤ ဒိးသန့ၤ ထီၣ်သးလၢ တၢ်ဂ့ၢ်လၢကမျၢၢ်တီၣ်ထီၣ်၀ဲအဖီခိၣ်, ဒီးကဟ့ၣ်ကူၣ်ဟ့ၣ်ဖး တၢ်ဂ့ၢ် ဒ်တၢ်ထံၣ်န့ၢ်၀ဲဖီခိၣ် ဒီးကဘၣ်ဆှၢထီၣ်ဆူ ပဒိၣ်န့ၣ်လီၤ.

ကမံးတံာ်ဒိးန့ၢ် တၢ်ဆှၢထီၣ်တၢ်ကဒူးကဒ့ၣ် ၉၉ ခါ, စးထီၣ်လါယနူၤအါရံၤတုၤ လါယူၤလံတနံၣ်အံၤ ဒီးမၤ၀ံၤ၀ဲလွံၢ်ခါ, ဒီးဆှၢ ထီၣ်၀ဲဆူပဒိၣ်၀ဲၤကျိၤဘၣ်ထွဲတဖုစုာ်စုာ်အအိၣ်ဃိးခါ, ဒီးမၤ၀ဲဘၣ်ဖၢ ၈၇ ခါလီၤ.
ပဒိၣ်ကမံးတံာ်ဘၣ်ဃး တၢ်အုၣ်ကီၤ, တၢ်အၢၣ်လီၤ, တၢ်သမံသမိးတၢ်, တၢ်ကဒူးကဒ့ၣ်, ဒီးတၢ်ဃ့ကညးထီၣ်, ဘၣ်တၢ်ဒုးအိၣ် ထီၣ်အီၤဖဲ လါဖ့ၤဖီအါရံၣ် ၂၀၁၆, ဒ်သိးကဘှါၡဲကမျၢၢ်တၢ်တူၢ်ခီၣ်ဘၣ်အဂီၢ်လီၤ.