၀့ၢ်တကူၣ် - ဖဲမုၢ်ယူာ်အနံၤ, ထံဂုၤကီၢ်ဂၤတၢ်ကူၣ်လဲၤမၤကၤကရၢအ ဒိၣ်နွံဖုလၢကီၢ်ပယီၤ ထုးထီၣ်သဃဲၤလံာ်ကွဲးဆဲတဘ့ၣ်, လၢ အစံးလီၤကထၢ
တၢ်အရ့ဒိၣ်ဘၣ်ဃး ထံဂုၤကီၢ်ဂၤတၢ်ဘျၢလီၤစ့လိၤလိၤ လၢ ထံကီၢ်အဂီၢ် ဒီးကွဲးဖျါ၀ဲလၢအဖုၣ် ကရၢအတၢ်မၤလၢ ဘၣ်ထွဲဒီး ပှၤဘျၢလီၤစ့လၢအ
ကံၢ်စီထီၣ်ဘးတဖၣ် လၢအဆီၣ်ထွဲ ကီၢ်ပယီၤတၢ်လဲၤထီၣ်လဲၤထီအတၢ်ရဲၣ်တၢ်ကျဲၤ လၢအတူၢ်ယံာ် တူၢ်ထၢန့ၣ်လီၤ.

လံာ်ကွဲးဆဲ, လၢဘၣ်တၢ်ဆဲးလၢ ကရၢဖိပတီၢ်ထီလၢကီၢ်ယူရပၤ, ြဖၣ် စ့ၣ်, ကၠၢမဲ, အံၤထဲလံယဲ, အမဲရံးကဲၤ, အီစြထ့လယါ, ဒီးကိၤလၤ၀ါ
တၢ်ကူၣ်လဲၤမၤကၤကရၢတဖၣ်, တဲဖျါ၀ဲတၢ်အရ့ဒိၣ်သနၢၣ် လၢထံဂုၤ ကီၢ်ဂၤတၢ်ဘျၢလီၤစ့လိၤလိၤ ဟူးဂဲၤမၤ၀ဲ လၢထံကီၢ်တၢ်ဒိၣ်ထီၣ်ထီ ထီၣ်, ဒီးတၢ်လဲၤထီၣ်
လဲၤထီအဂီၢ်န့ၣ်လီၤ. လံာ်အံၤဟးထီၣ်ဖဲ တၢ်မၤ တၢ်ဘျၢလီၤစ့ကီၢ်ပယီၤတၢ်အိၣ်ဖှိၣ်ခိၣ်ထံ ၂၀၁၉ လၢပဒိၣ်ရဲၣ်ကျဲၤမၤ၀ဲ တနွံ၀ံၤအလီၢ်ခံ, ဒီးသၢနွံတချုးလၢ
တၢ်မၤတၢ်ဘျၢလီၤစ့တၢ်ထံၣ်ဖှိၣ် လၢရၢၢ်ခၢၣ်ကီၢ်စဲၣ်အဂီၢ်, လၢတၢ်ကမၤ အီၤဖဲစ့ၣ်တွ့ၣ်, ကီၢ်စဲၣ်၀့ၢ်ခိၣ်န့ၣ်လီၤ.

ဒ်လၢလံာ်ပူၤစံး၀ဲအသိး, ကီၢ်မုာ်နုာ်ခီပနံၣ်လၢအဃုထၢ "နုာ်လီၤပၣ်ဃုာ် တမ့ၢ်လၢဟးဆှဲး" လၢတၢ်ဘျၢလီၤစ့လၢကီၢ်ပယီၤပူၤ, အ နီၣ်ဂံၢ်ဟဲ
အါထီၣ်၀ဲလီၤ. နီၣ်ဂံၢ်တၢ်အါထီၣ်၀ဲအံၤအိၣ်ထီၣ် ဖဲကီၢ်မုၢ်နုာ်ပှၤဘျၢလီၤစ့ အတၢ်သးစဲလၢကဘျၢလီၤစ့လၢကီၢ်ပူၤလီၤစှၤသ တူၢ်ကလာ်, ဖဲတၢ်စုဆူၣ်ခီၣ်
တကးလၢ ကလံၤစိးရၢၢ်ခၢၣ်ကီၢ်စဲၣ်ဖဲ ၂၀၁၇ အလီၢ်ခံ, ဒီးလၢခံတၢ်ပိာ်ထွဲထီၣ်လၢ ရိၣ်ဟ့ယၣ်ပှၤဘၣ်ကီ ဘၣ်ခဲ ၇၅၀,၀၀၀ ဃ့ၢ်ထီၣ်ဆူကီၢ်လၢအဘူး
ကီၢ်ဘဲကလါဒ့ၡ် ၀ံၤအလီၢ်ခံလီၤ.

လံာ်ကွဲးဆဲစံး၀ဲ, ကီၢ်မုၢ်နုာ်ပှၤဘျၢလီၤစ့ မၤစၢၤမုၢ်ကျိၤ၀ဲၤကွာ်ခီဖျိ ဒုးအိၣ်ထီၣ်ထံဂုၤကီၢ်ဂၤတၢ်မၤပတီၢ် လၢခီပနံၣ်တၢ်ပၢတၢ်ဆှၢအ ကျဲ, ဒီးဒုးနဲၣ်၀ဲ
ကီၢ်ပယီၤတၢ်လဲၤထီၣ်လဲၤထီ လၢအတူၢ်ယံာ်တူၢ်ထၢ တၢ်ရဲၣ်တၢ်ကျဲၤ, ဒီးတၢ်လိၣ်လၢတၢ်ကဘၣ်ဟ့ၣ်ထီၣ် တၢ်မၢလဲ တၢ်မၤအခွဲးအယာ် ဒ်သိးတၢ်က
မၤဂ့ၤထီၣ် တၢ်လုၢ်အီၣ်သးသမူတၢ်အိၣ်သး ဖဲအံၤအဂီၢ်လီၤ.

တၢ်ဟဲနုာ်လၢတၢ်စိာ်ဆါတၢ်ဖိတၢ်လံၤဆူကီၢ်ချၢ ကအါထီၣ် ဖဲကီၢ်ပယီၤဆီတလဲအသး လၢတၢ်စိာ်ဆါတၢ်သူၣ်တၢ်ဖျးတၢ်ဟးထီၣ် သံသိဆူကီၢ်ချၢ
ဆူတၢ်တၢ်ဖိတၢ်လံၤလၢတၢ်ပာ်အါထီၣ်အလုၢ်ပှ့ၤ အကျိၤအကွာ်၀ံၤအခါလီၤ. တၢ်ကူၣ်လဲၤမၤကၤကရၢ ကရၢဖိခီပ နံၣ်အါဖျၢၣ်, လၢအပၣ်ဃုာ်တၢ်ကရၢ
ကရိအခါ ၆၀၀ လၢထံကီၢ်အဘ့ၣ် ၃၀, မ့ၢ်ခီပနံၣ်လၢအစိာ်ဆါ တၢ်ဖိတၢ်လံၤဒီးတၢ်မၤန့ၢ်တၢ် တၢ်မၤ ဆူကီၢ်ချၢ, လံာ်ပူၤစံး၀ဲလီၤ.