၀့ၢ်တကူၣ်ပဒိၣ်အိးထီၣ် တၢ်စုလီၢ်ခီၣ်ခိၣ်၀ဲၤလီၢ်

...

၀့ၢ်တကူၣ်ပဒိၣ်အိးထီၣ် တၢ်စုလီၢ်ခီၣ်ခိၣ်၀ဲၤလီၢ်

Myanmar Times, 26 Feb 2019

URL: HTTPS://WWW.MMTIMES.COM/NEWS/YANGON-GOVT-OPENS-PROPERTY-CENTRE.HTML
၀့ၢ်တကူၣ်ကီၢ်ခီဒိၣ်ပဒိၣ်အိးထီၣ် ၀့ၢ်တကူၣ်၀့ၢ်တၢ်ကွၢ်တၢ်အလီၢ် Yangon City Gallery ဒ်သိးကမၤစၢၤကမျၢၢ် ဃုသ့ၣ်ညါသံကွၢ် တၢ်ကညီ
ဘၣ်ဃး ဟံၣ်ဃီလၢပဒိၣ်တ့၀ဲ အလုၢ်အပှ့ၤဒီးအိၣ်သူလီၤသးအလီၢ်အဂ့ၢ်, ၀့ၢ်တကူၣ်ကီၢ်ခီဒိၣ်ပဒိၣ် ကိတိာ်ခိၣ်ကျၢၢ် အူဖၠိမ့သ့ စံး၀ဲလီၤ.

"တၢ်၀ဲအံၤကမၤစၢၤကမျၢၢ် လၢကမၤလၢပှဲၤအ၀ဲသ့ၣ်တၢ်မံမီၢ် လၢ ကမၤန့ၢ်ဟံၣ်ဃီလၢအကစၢ်ဒၣ်၀ဲအဂီၢ် ဒီးအ၀ဲသ့ၣ်အဟံၣ်ဖိဃီဖိ အဂီၢ်လီၤ.
ခီဖျိတၢ်သူၣ်ထီၣ်၀ဲအံၤ, ပဒိၣ်မုၢ်လၢ်၀ဲလၢကမၤစၢၤ ပှၤ လၢအဃုဟံၣ်ဃုဃီတဖၣ်လီၤ." အူဖၠိမ့သ့စံး၀ဲ ဖဲတၢ်အိးထီၣ်တၢ် ကွၢ်တၢ်အလီၢ်အမူး
ဖဲမုၢ်ဒဲးနံၤ အဆၢကတီၢ်လီၤ.

တၢ်ကွၢ်တၢ်အလီၢ် အိၣ်သူၣ်လီၤအသးဖဲ ၀့ၢ်တကူၣ်ကီၢ်ခီဒိၣ် ၀့ၢ်ပူၤဒီး ဟံၣ်ဃီတၢ်လဲၤထီၣ်လဲၤထီ၀ဲၤကျိၤ Yangon Region Urban and
Housing Development Department ၀ဲၤဒၢးတၢ်သူၣ်ထီၣ် အဖီလာ်ကတၢၢ်တကထၢလီၤ.

တၢ်ဘှီမၤဂ့ၤထီၣ်တၢ်သူၣ်ထီၣ် တၢ်ဆၢကတီၢ်တံာ်တာ်၀ဲဃုလါဃၣ်ဃၣ် မ့ၢ်လၢပဒိၣ်အဲၣ်ဒိး၀ဲ ပှၤလၢအဟဲအိၣ်သကိးတၢ်ကွၢ်တၢ် အလီၢ်ကိးဂၤဒဲး
ကတူၢ်ဘၣ်လၢအမုာ်အခုၣ်အဂီၢ်လီၤ, အူဖၠိမ့သ့ စံး၀ဲလီၤ.

ပဒိၣ်မ့ၢ်မၤထွဲထီၣ် ဟံၣ်ဃီတၢ်တိာ်ကျဲၤလၢပှၤပှ့ၤန့ၢ် လၢအကစၢ်ဒၣ်၀ဲဟီၣ်ခိၣ်လီၢ်အပူၤဒီး ဆါဟံၣ်ဃီလၢတအိၣ်ဒီးတၢ်ဆိမိၣ် ဃုာ်ဟီၣ်ခိၣ်အပှ့ၤဘၣ်ဒီး,
ဟံၣ်ဃီလၢအပှ့ၤဘၣ် ကမျၢၢ်ပှ့ၤ၀ဲကန့ၢ်ဖဲအပှ့ၤြကၢး၀ဲဘၣ်၀ဲန့ၣ်လီၤ, အဂ့ၢ် ကိတိာ်ခိၣ်ကျၢၢ် စံး၀ဲ လီၤ.

၀့ၢ်တကူၣ်၀့ၢ်တၢ်ကွၢ်တၢ်အလီၢ်, ၀့ၢ်တကူၣ်ကီၢ်ခီဒိၣ်ပဒိၣ်, ၀့ၢ်တကူၣ်၀့ၢ်ပူၤတၢ်လဲၤထီၣ်လဲၤထီကမံးတံာ် ဒီးတၢ်သူၣ်ထီၣ်ဘှီထီၣ်ကိ တိာ်, ကမၤသကိး
တၢ်တပူၤဃီ ဒ်သိးကဘှါၡဲကမျၢၢ် ဟံၣ်ဃီတၢ်ဂ့ၢ်ကီတဖၣ်လီၤ.

တၢ်ဟူးတၢ်ဂဲၤလၢဘၣ်ထွဲဒီး ၀့ၢ်ပူၤဒီးဟံၣ်ဃီ တၢ်လဲၤထီၣ်လဲၤထီ, တၢ်ဆါတၢ်ပှ့ၤတၢ်ဒုးနဲၣ်အလီၢ်, တၢ်စုလီၢ်ခီၣ်ခိၣ်တၢ်ကွၢ်ကီအဘူၣ်, တၢ်ထံၣ်တၢၣ်ပီၣ်
သကိးတၢ်အိၣ်ဖှိၣ်, ဒီး တၢ်ကွဲးနီၣ်ကွဲးဃါတဖၣ်, တၢ်ကမၤအီၤပာ်အီၤတပူၤဃီဖဲ ၀့ၢ်တကူၣ်၀့ၢ်တၢ်ကွၢ်တၢ်အလီၢ်, အဂ့ၢ် အူမ့သ့, လၢအမ့ၢ်ပှၤနဲၣ်တၢ်ခိၣ်
ကျၢၢ်လၢ ၀့ၢ်ပူၤဟံၣ်ဃီတၢ်လဲၤထီၣ်လဲၤထီ၀ဲၤကျိၤ, စံး၀ဲလီၤ.