ခိခိၣ်တၢ်လီၢ်လၢအိၣ်ယံၤဒီး ဒီကလုာ်လီမ့ၣ်အူပျံၤ ကမၤန့ၢ်လီမ့ၣ်အူ ခီဖျိတၢ်ဂံၢ်ဘါလၢတၢ်မၤသီထီၣ်သ့တဖၣ်, အဂ့ၢ် ကိတိာ်ခိၣ် ဘၣ်ဃး လီမ့ၣ်
အူဒီးတၢ်ဂံၢ်ဘါကိတိာ်, အူ၀့ခဲၣ် စံး၀ဲလီၤ.

အ၀ဲဒၣ်စံး၀ဲလၢ ပဒိၣ်ကဟ့ၣ်ထီၣ်လီမ့ၣ်အူလၢ တၢ်လီၢ်သ့ၣ်တဖၣ် အံၤအဂီၢ် ခီဖျိတၢ်ဂံၢ်ဘါလၢတၢ်မၤသီထီၣ်သ့, မ့ၢ်လၢပှၤကညီနီၣ်ဂံၢ် ဘူဒီးတၢ်သူလီမ့ၣ်
အူအတၢ်အိၣ်သး တဖိးမံဒီးမုၢ်ကျိၤအတၢ်ကၢကီၣ် လၢကမၤလဲၢ်ထီၣ်ဒီကလုာ်လီမ့ၣ်အူပျံၤဘၣ်အဃိလီၤ.

အူ၀့ခဲၣ် စံးဒံး၀ဲလၢပဒိၣ်ကကွၢ်ဒံး လီမ့ၣ်အူတၢ်ဟးထီၣ်ဒီး တၢ်ဟ့ၣ် နီၤလီၤ ခီဖျိတၢ်ဂံၢ်ဘါကျဲလၢတၢ်မၤသီထီၣ်သ့ အတၢ်အိၣ်သးလၢခိ ခိၣ်တၢ်လီၢ်တဖၣ်လီၤ.

ကီၢ်ပဒိၣ်အတၢ်ပညိၣ်မ့ၢ် ကဟ့ၣ်နီၤလီၤလီမ့ၣ်အူ လၢထံကီၢ် ၅၀ မျး ကယၤဖဲ ၂၀၁၉ ကတၢၢ်, ဒီးကဟ့ၣ်နီၤလီၤ၀ဲလၢထံကီၢ်ဒီ တဘ့ၣ်ဖဲ ၂၀၃၀ လီၤ.

ကီၢ်ပယီၤတၢ်ထုးထီၣ်လီမ့ၣ်အူဂံၢ်ဘါ အခဲအံၤအိၣ်၀ဲ 3,500MW ဒီး တၢ်သူလီမ့ၣ်အူအါထီၣ် ၁၅% ကိးနံၣ်ဒဲးလီၤ. လီမ့ၣ်အူဒီး တၢ်ဂံၢ်ဘါ
ကိတိာ် အတၢ်ရဲၣ်တၢ်ကျဲၤအိၣ်၀ဲလၢကထုးအါထီၣ်လီမ့ၣ်အူ 394MW ဖဲ 2018-19, 450MW ဖဲ 2019-20, ဒီး 1,712MW ဖဲ
2020-21 လီၤ.

ဒ်တၢ်ပာ်ဖျါလၢအခီၣ်ထံးအသိး, ကီၢ်ပဒိၣ်အတၢ်ပညိၣ်အိၣ်လၢ ကထုးထီၣ်လီမ့ၣ်အူ ၈ % ခီဖျိတၢ်ဂံၢ်ဘါလၢတၢ်မၤသီထီၣ်သ့အ ကျဲ ဖဲ ၂၀၂၁
ဒီး ၁၂% ဖဲ ၂၀၂၅ ခီဖျိစိလၣ်မုၢ်ဂံၢ်ဘါ ဒီးကလံၤဂံၢ်အကျဲန့ၣ်လီၤ.

တၢ်ဆဲးတၢ်အၢၣ်လီၤဒီး တရူးခီပနံၣ် Three Gorges Corporation လၢတၢ်ကတ့ထီၣ် 30MW ကလံၤဂံၢ်ဘါလီမ့ၣ်အူစဲး လၢခၠီ သၤ,
အ့ယၣ်၀တံၣ်ကီၢ်ဒိၣ်, လၢကမ့ၢ်၀ဲအဆိကတၢၢ်တဖျၢၣ် လၢကီၢ်ပယီၤအပူၤလီၤ.

ဒ်လီမ့ၣ်အူဒီးတၢ်ဂံၢ်ဘါကိတိာ် အတၢ်ပာ်ဖျါအသိး, ကလံၤဂံၢ်ဘါလီမ့ၣ်အူစဲး တၢ်တ့အီၤန့ၢ်လၢခၠီကီၢ်စဲၣ်, ရၢၢ်ခၢၣ်ကီၢ်စဲၣ်, ၀့ၢ်တ ကူၣ်ကီၢ်ဒိၣ်,
ယိၤဒိၣ်ကီၢ်စဲၣ်, ကယါကီၢ်စဲၣ်, တနီသရံၣ်ကီၢ်ဒိၣ်, မိၣ်ကီၢ်စဲၣ်, ဒီးကညီကီၢ်စဲၣ်တဖၣ်လီၤ.