ကီၢ်ပယီၤဆူၣ်ချ့ပှၤမၤစၢၤတၢ်ကရၢ ဖဲမုၢ်ဒဲးနံၤ စးထီၣ်မၤယဲၢ်နံၣ်တီၢ်ပူၤတၢ်ရဲၣ်တၢ်ကျဲၤ လၢကမၤဂ့ၤထီၣ် ကမျၢၢ်တၢ်အိၣ်ဆူၣ် အိၣ်ချ့သနၢၣ် ဒီးကီၢ်ပယီၤကမျၢၢ်
တၢ်အိၣ်ဆူၣ်အိၣ်ချ့အကလုာ်ကလုာ်, အဂ့ၢ် ကရၢအပှၤပၢၤလီၢ်ဆ့ၣ်နီၤ စံး၀ဲလီၤ.

"အ၀ဲအံၤမ့ၢ်ကရၢ တၢ်ရဲၣ်တၢ်ကျဲၤကျဲၤမိၢ်ပှၢ် တၢ်ရဲၣ်တၢ်ကျဲၤအဆိကတၢၢ်တခါလီၤ. ပကျဲးစၢးထၢဖှိၣ်ပာ်ဖှိၣ် တၢ်ထံၣ်တၢ်ဟ့ၣ် ကူၣ်ဟ့ၣ်ဖး လၢအလုၢ်ဒိၣ်ပှ့ၤဒိၣ်
လၢပှၤသ့ပှၤဘၣ် ဒီးကရၢဘၣ်ထွဲ လၢအလီၢ်အိၣ်တဖၣ်လီၤ." အူမၠိသွ့ၤ, လၢအမ့ၢ်ကရၢပှၤပၢၤ လီၢ်ဆ့ၣ်နီၤ, စံး၀ဲဖဲတၢ်စးထီၣ်မၤ ကရၢတၢ်ရဲၣ်တၢ်ကျဲၤမိၢ်ပှၢ်
တၢ်ကျဲၤ (၂၀၁၉-၂၀၁၃) အမူး, ဖဲ၀့ၢ်တကူၣ်, မုၢ်ဒဲးအနံၤလီၤ.

လၢတၢ်ရဲၣ်တၢ်ကျဲၤအဖီလာ်, ကရၢအပှၤမၤတၢ်ဖိ ၄၇၈ ဂၤ ကမၤထွဲ ထီၣ် ကမျၢၢ်တၢ်အိၣ်ဆူၣ်အိၣ်ချ့တၢ်တိာ်ကျဲၤ ၁၂ ခါ, လၢကီၢ်ဆၣ် ၇၆ ဘ့ၣ်လၢ
ကီၢ်စဲၣ်ဒီးကီၢ်ဒိၣ်တဖၣ်လၢအမ့ၢ်, ကခၠ့ၣ်, ကညီ, ယိၤဒိၣ်, ရၢၢ် ခၢၣ်, ခၠီ, စကဲ, မါတလ့, မကွ့ဒီး ၀့ၢ်တကူၣ်တ ဖၣ်လီၤ.

တၢ်တိာ်ကျဲၤတဖၣ်မ့ၢ်၀ဲ တၢ်ြတီတၢ်ဆါသလၣ်ထီၣ်အသး, တၢ်အိၣ်ဖျဲၣ် အါထီၣ်ဂီၢ်ထီၣ်, တၢ်ကွၢ်ထွဲမိၢ် ဒီးဖိသၣ်အိၣ်ဖျဲၣ်သီ, ဖိသၣ် ဒီးပှၤဒိၣ် ထီၣ်သီတၢ်
အိၣ်ဆူၣ်အိၣ်ချ့, ဃုာ်ဒီးတၢ်အီၣ်န့ၢ်ဂံၢ်ဘါတဖၣ်လီၤ. ကရၢ ကမၤကွၢ်စ့ၢ်ကီး အတၢ်အိၣ်ဆူၣ်အိၣ်ချ့အကျိၤအကွာ် ဒီးတၢ်စံးဆၢဂ့ၢ် ဂီၢ်အူအတၢ်အိၣ်သး,
လၢအပၣ်ဃုာ်ဟီၣ်က၀ီၤလၢပှၤလဲၤတုၤကီ, ဟီၣ်က၀ီၤလၢတၢ်ဒုးအိၣ်, ၀့ၢ်ပူၤပှၤဖှီၣ်ဖိယာ်ဖိအိၣ်အလီၢ်, ဒီးကီၢ်ဆၢတၢ်လီၢ်တဖၣ်လီၤ.

တၢ်ကကွၢ်လီၤဆီ ပှၤလၢတၢ်လီၤဘၣ် ယိၣ်အိၣ်ဒိၣ်ကတၢၢ်, လၢအပၣ်ဃုာ်ပိာ်မုၣ်, ဖိသၣ်, ပှၤနီၢ်တပျိၤ, သုးလီၢ်ပှၤအိၣ်တမှံၤ, ပှၤသးပှၢ် ဒီးကလုာ်ဒူၣ်ကမျၢၢ်တဖၣ်လီၤ.

ဖဲ ၂၀၁၉ ကရၢကအိၣ်ဒီး၀ဲၤဒၢးအဆံးလၢ ကီၢ်ဆၣ် ၃၀၇ ဘ့ၣ်လၢထံကီၢ်ဒီတဘ့ၣ်, ဒီးတၢ်တယာ်၀ဲကရၢဖိကအိၣ် ၅,၃၆၅ ဂၤ လီၤ.