ကီၢ်ပယီၤ တၢ်မၤဖှိၣ်သကိးတၢ်ကရၢ Myanmar Cooperatives Society ကဟ့ၣ်လီၤစ့တၢ်မၤစၢၤခဲလၢာ် ၆၀၀ ဘ့လယၢၢ်ကၠး
ဆူပှၤထူစံာ်ဖိ ဒ်စ့ဒုးလိၢ်အသိး လၢတၢ်ကသူၣ်တၢ်မုၢ်တၢ်ဘိ လၢတၢ်ဂိၢ်ခါဒီးတၢ်ကိၢ်ခါကတီၢ်အဂီၢ် တနံၣ်အံၤလီၤ.

စ့ဒုးလိၣ်တဖၣ် တၢ်ဟ့ၣ်လီၤခံနံၣ်တဘျီ ဆူပှၤထူစံာ်ဖိလၢအမ့ၢ်ကရၢ အကရၢဖိတဖၣ်လီၤ. "စ့တၢ်မၤစၢၤတဖၣ် ဘၣ်တၢ်ဒုးလိၢ် ပှၤလၢတရူးလီၤ.
၀ံၤဒီးပဟ့ၣ်လီၤဒုးလိၢ်ကဒါက့ၤ ပကရၢဖိတဖၣ် လၢအဖီတလါ ၁.၅ မျးကယၤလီၤ." အူမၠိအီၣ်, လၢအမ့ၢ် ကီၢ် ပယီၤတၢ်မၤဖှိၣ်သကိးတၢ်
ကရၢ အပှၤနဲၣ်တၢ်, စံး၀ဲလီၤ.

အ၀ဲဒၣ်စံး၀ဲလၢ စ့အဖီတနံၣ်အံၤ အါန့ၢ်ဒံးလၢမဟိတနံၣ် ၁.၁၅ မျး ကယၤ, မ့ၢ်လၢစ့လဲဟဲဂ့ၤထီၣ်အဃိလီၤ. ဘၣ်ဆၣ်, စ့လဲခဲအံၤစှၤ ဒံး,
အဃိဒီး ပှၤဟံးလိၢ်စ့အါဒၣ်တက့ၢ် တြကၢးအိၣ်ဒီးတၢ်ကီတၢ်ခဲ လၢကဟ့ၣ်က့ၤ၀ဲစ့ဒုးလိၢ်ဘၣ်လီၤ." အူမၠိအီၣ် စံး၀ဲလီၤ.

စ့ဒုးလိၢ်တဖၣ် တၢ်မုၢ်လၢ်၀ဲတၢ်ကသူအီၤလၢ တၢ်ကပှ့ၤသူၣ်ဖျးဘၣ် ထွဲတၢ်ပီးတၢ်လီ ဒီးစဲးဖီကဟၣ်တၢ်ဖိတၢ်လံၤ မ့တမ့ၢ် တၢ်ကသူအီၤ လၢတၢ်ကပှ့ၤ
တၢ်ချံလၢအဂ့ၤ ဒ်သိးတၢ်ကမၤဂ့ၤထီၣ် တၢ်မုၢ်တၢ်ဘိ အကံၢ်စီအဂီၢ်လီၤ.

ပှၤမၤစံာ်ဖိကဘၣ်ဟ့ၣ်ကဒါက့ၤ၀ဲစ့ဒုးလိၢ် ဖဲလါယူာ်လၢာ်, ဒီးတၢ်၀ဲ န့ၣ်၀ံၤအလီၢ်ခံ တၢ်ကဟ့ၣ်လီၤဒုးလိၢ်ကဒီး ပှၤမၤစံာ်ဖိလၢအ သီတဖၣ်လီၤ.

တၢ်မၤဖှိၣ်သကိးတၢ်ကရၢအိၣ်၀ဲ ၄၆၀၀ လၢကီၢ်ဆၣ် ၃၀၇ ဘ့ၣ်လၢကီၢ်ပယီၤအပူၤလီၤ. ကရၢတဖုစုာ်စုာ် အစှၤကတၢၢ်ပှၤအိၣ် ၀ဲ ၅ ဂၤလီၤ.