Myanmar Federation of People with Disabilities ကရၢ ဃ့ထီၣ်ပဒိၣ်ဒ်သိးကမၤစၢၤဃုန့ၢ် တၢ်သိၣ်လိတၢ်တၢ်မၤအခါ
၄၀၀၀ လၢပှၤနီၢ်ခိက့ၢ်ဂီၤတလၢပှဲၤတဖၣ်အဂီၢ်လီၤ.

ဖဲတၢ်ထံၣ်လိာ်တၢၣ်ပီၣ်တၢ်အိၣ်ဖှိၣ် ဘၣ်ဃးတၢ်ဆီၣ်ထွဲဃုန့ၢ်တၢ်မၤလၢ ပှၤက့ၢ်ဂီၤတလၢပှဲၤတဖၣ်အဂီၢ် ဖဲမုၢ်ပျဲၤနံၤ, အူသ့လွ့ၤ စံး၀ဲ, "ပတဲန့ၢ်တၢ်လၢ
ပှၤနီၢ်ခိက့ၢ်ဂီၤတလၢပှဲၤတဖၣ် ကမၤန့ၢ်တၢ်မၤလၢနီၢ်သဘျ့တ၀ၢပူၤ, အဃိဒီး ပကဘၣ်မၤတၢ်တမံၤဃီ လၢကမျၢၢ်တ၀ၢပူၤန့ၣ်လီၤ. ပှၤလၢနီၢ်ခိက့ၢ်ဂီၤတ
လၢပှဲၤတဖၣ် ဘၣ်ကွၢ်ဆၢၣ်မဲာ်ဒီး တၢ်တၤတၢ်အါမးလၢသးသမူအပူၤ, ဘၣ်ဆၣ် အ၀ဲသ့ၣ်အါဂၤမၤတၢ်သ့ဒိၣ်န့ၢ်ဒံးသိၣ်လိတၢ်ဒံး, အဃိဒီးပဃ့ပဒိၣ်
တၢ်မၤစၢၤလၢ ကကွၢ်ပာ်လီၤဆီန့ၢ်တၢ်သိၣ်လိတၢ်မၤ ၄,၀၀၀ ခါ လၢပှၤနီၢ်ခိက့ၢ်ဂီၤတလၢပှဲၤတဖၣ်အဂီၢ်လီၤ." အ၀ဲဒၣ်စံး, စံးဒံး၀ဲလၢ ဃီလၢလ့ၣ်ဆီၣ်
ကထီၣ်အဂီၢ် တအိၣ်ဒံးလၢနီၢ်သဘျ့တၢ် မၤတ၀ၢပူၤလီၤ.

ဖဲတၢ်မၢအတဲတၢ်အခါ, အူမၠိအီၣ်, လၢအမ့ၢ်ထီဘိနဲၢ်ရွဲၣ်လၢ ကိတိာ်ဘၣ်ဃး ပှၤမၤတၢ်ဖိ, တၢ်နုာ်လီၤဟးထီၣ်ထံလီၢ်ကီၢ်ပူၤ ဒီးပှၤ နီၣ်ဂံၢ်စရီ, စံး၀ဲ,
"ပကျဲးစၢမၤတၢ်ဒ်သိး ပကမၤဘၣ်ဂီၢ် ပှၤနီၢ်ခိက့ၢ်ဂီၤတလၢပှဲၤ ဒီးတၢ်မၤအြကၢးအဘၣ်လၢအ၀ဲသ့ၣ်အဂီၢ်လီၤ."

လၢ ၂၀၁၇ ပှၤနီၢ်ခိက့ၢ်ဂီၤတလၢပှဲၤခွဲးယာ်သဲစးအဖီလာ်, ခီပနံၣ်လၢအမၢလဲ ပှၤလၢအိၣ်ဒီးနီၢ်ခိက့ၢ်ဂီၤတလၢပှဲၤတဖၣ် ကဒိးန့ၢ် တၢ်ကွၢ်ဆိကမိၣ်လၢ
တၢ်ဟ့ၣ်ခိသွဲ, အခါဖဲခီပနံၣ်လၢတမၢလဲ ပှၤနီၢ်ခိက့ၢ်ဂီၤတဖၣ် တၢ်ကမၢအ၀ဲသ့ၣ်ဟ့ၣ်လီၤစ့ပာ်ကီၤ လၢတၢ် ကမၤစၢၤပှၤနီၢ်ခိက့ၢ်ဂီၤတလၢပှဲၤအဂီၢ်လီၤ.

ကီၢ်ပယီၤဆဲးလီၤ ဘီမုၢ်စၢဖှိၣ်ကရၢတၢ်အၢၣ်လီၤဘၣ်ဃး ပှၤလၢအိၣ်ဒီးနီၢ်ခိက့ၢ်ဂီၤတလၢပှဲၤအဂီၢ် ဖဲ ၂၀၁၁, ဒီးပာ်လီၤအနံၣ် တဆံတၢ်ရဲၣ်တၢ်ကျဲၤမိၢ်ပှၢ်
ဘၣ်ဃးတၢ်လဲၤထီၣ်လဲၤထီ လၢပှၤလၢအိၣ်ဒီးနီၢ်ခိက့ၢ်ဂီၤတလၢပှဲၤတဖၣ်အဂီၢ်ဖဲ ၂၀၁၆ လီၤ.