နံၣ်ကတၢၢ်တၢ်ဒိးစဲး လၢဂံၢ်ခီၣ်ထံးတၢ်ကူၣ်ဘၣ်ကူၣ်သ့ကၠိအဂီၢ် တၢ်ကမၤအီၤလၢလါမးၡးအလီၢ်ခံကတၢၢ်တနွံ, စးထီၣ်ခဲမဟိတ နံၣ်, အဂ့ၢ်
တၢ်ကူၣ်ဘၣ်ကူၣ်သ့ကိတိာ်ခိၣ် အူမၠိသ့ကၠံ စံးဝဲဖဲတၢ်အိၣ်ဖှိၣ်ဘၣ်ဃးဃုတီၤလံာ်ညိၣ်သိၣ်ဒိၣ်အဂ့ၢ် ဖဲကမၤယူၢ်ကၠိသ ရၣ်တၢ်သိၣ်လိခီလ့းကၠိ,
မုၢ်ဒဲးအနံၤလီၤ.

တုၤလၢအခဲအံၤ နံၣ်ကတၢၢ်တၢ်ဒိးစဲးတၢ်မၤအီၤလၢ လါဖ့ၤဖီအါရံၤအလီၢ်ခံကတၢၢ်တနွံ ဒီးလါမးၡးတုၤလၢလါမ့ၤမ့ၢ် တၢ်ကိၢ်ခါ ကၠိပျၢ်ကသုၣ်အ
ဆၢကတီၢ်လီၤ. လၢတၢ်ရဲၣ်တၢ်ကျဲၤလၢအသီအဖီခိၣ် တၢ်ကိၢ်ခါကၠိပျၢ်ကသုၣ်ကအိၣ်ဒၣ်ထဲလါခံဘ့ၣ်ဧိၤ, ဒီးဘၣ် ဃးတၢ်ဂ့ၢ်အံၤအဖီခိၣ် ကၠိဖိမိၢ်ပၢ်
တဖၣ်ကဒူးကဒ့ၣ်တၢ်လီၤ.

သနာ်က့, တၢ်ကူၣ်ဘၣ်ကူၣ်သ့ကိတိာ် တဘိးဘၣ်သ့ၣ်ညါလီၤလၢတၢ်သ့ၣ်ညါပာ်ပနီၣ်အကျဲ တၢ်ဆီတလဲဘၣ်ဃးတၢ်ကိၢ်ခါကၠိ ပျၢ်ကသုၣ်
အဂ့ၢ်ဒံးဘၣ်.

"တၢ်ကစီၣ်ဒုတၢ်ကစီၣ်သန့တဖၣ်ထၢထီၣ်ဝဲလံ, ဘၣ်ဆၣ်ကိတိာ်တဘိးဘၣ်သ့ၣ်ညါလီၤ လၢတၢ်သ့ၣ်ညါပာ်ပနီၣ်အကျဲဒံးဘၣ်." တၢ်ကကူၣ်
ဘၣ်ကူၣ်သ့ ပှၤဘၣ်မူဘၣ်ဒါခိၣ်နၢ်တဂၤ စံးဝဲလီၤ.

တၢ်တဲာ်လိာ်ဘၣ်ဃးတၢ်ဆီတလဲအဂ့ၢ်အိၣ်ဘၣ်ဆၣ်, ကိတိာ်တၢ်ဆၢက တီၢ်အတပၢးပူၤစံးဝဲလၢ ကၠိဖိတၢ်ကဘၣ်သိၣ်လိတုၤလၢ လါမးၡးက
တၢၢ်, ဒီးတၢ်ကိၢ်ခါကၠိပျၢ်ကသုၣ် ကဘၣ်အိၣ်ထဲအသီ ၆၀ ဧိၤလီၤ.

"ပရဲၣ်လီၤကျဲၤလီၤပာ်လံ လံာ်ညိၣ်သိၣ်ဒိၣ် လၢတၢ်ကဘၣ်သိၣ်လိအီၤ တုၤလၢလါမးၡးကတၢၢ်လီၤ, ဘၣ်ဆၣ်မ့ၢ်လၢကၠိတီၤတလၢတလီၢ် ဒီး တၢ်ကီတၢ်ခဲ
အိၣ်လၢ တၢ်ကဘၣ်ပာ်လီၤကၠိဖိအလီၢ်အကျဲလၢအတီၤတ ဆံတၢ်ဒိးစဲးအဂီၢ်အဃိ ပဘၣ်ဆၢတဲာ်လၢပဘၣ်ပျၢ်ဆိကၠိလီၤ." တၢ်ကူၣ် ဘၣ်ကူၣ်သ့
ပှၤဘၣ်မူဘၣ်ဒါခိၣ်နၢ်အိၣ်ဘှံးတဂၤ စံးဝဲလီၤ.

"ကီၢ်ကၠီၣ်တဲၣ် အိၣ်ဒီးကၠိတီၤလၢတၢ်မၤခုၣ်ကလံၤ ဒီးအဝဲသ့ၣ်ကၠိတီၤ တဖၣ် ကၠိဖိတအိၣ် ၅၀-၆၀ ဒ်လၢကီၢ်ပယီၤကၠိအသိးဘၣ်. တဂ့ၤလၢ
ဖိသၣ်ဒီးကၠိသရၣ် ကဘၣ်ထီၣ်ကၠိလၢတၢ်ကိၢ်ခါဘၣ်. လၢကတဲတၢ်နါစိၤ ဖဲဆ့ၣ်နီၤလၢကလံၤခုၣ်ဒၢးပူၤအဆၢကတီၢ်အလီၢ်, ခိၣ် နၢ်တဖၣ်ကဘၣ်
မၤညီန့ၢ်တၢ်လၢ ကၠိဖိမိၢ်ပၢ်, သရၣ်, ဒီးကၠိဖိတဖၣ်အဂီၢ်လီၤ." ကၠိဖိမိၢ်ပၢ်လၢ တအဲၣ်ဒိးပာ်ဖျါအမံၤတဂၤ စံးဝဲ လီၤ.

တၢ်ရဲၣ်တၢ်ကျဲၤ ကလဲၤသးအဂ့ၤလၢခူပူၤဝ့ၢ်ပူၤအဂီၢ်ဘၣ်ဆၣ်, တၢ်ကီတၢ်ခဲကအိၣ်လၢခိခိၣ်ဒူသဝီ မ့ၢ်လၢကၠိတီၤ, ကျိၣ်စ့, ဒီးကၠိ သရၣ်တအိၣ်လၢလီၢ်
အဃိလီၤ, ပှၤဘၣ်မူဘၣ်ဒါခိၣ်နၢ်အိၣ်ဘှံး စံးဝဲလီၤ.

ဂံၢ်ခီၣ်ထံးတၢ်ကူၣ်ဘၣ်ကူၣ်သ့ကၠိ ဆဲးလီၤကၠိဖိအမံၤဖဲလါမ့ၤကတၢၢ် ဒီးကၠိစးထီၣ်ထီၣ်ဖဲ လါယူၤ ၁ သီလီၤ.