ဖဲမုၢ်လ့ၢ်ဧိၤနံၤ, The Nipon Foundation ဟ့ၣ်လီၤမိၣ်ကလုာ်ဖီၣ်စုကဝဲၤကရူၢ်, မိၣ်ကီၢ်သီပၣ်တံၣ်, စဲးဖီကဟၣ်လၢ တၢ်လဲၤထီၣ် လဲၤထီတၢ်တိာ်
ကျဲၤအဂီၢ် လၢပိၣ်ပါဝတံၣ်သဝီ, ယ့ကီၢ်ဆၣ်, မိၣ် ကီၢ်စဲၣ်, ကီၢ်ပယီၤန့ၣ်လီၤ.

Nippon Foundation ဟ့ၣ်လီၤမိၣ်ကီၢ်သီပၣ်တံၣ် စဲးဖီကဟၣ်အမူး, ဘၣ်တၢ်မၤအီၤဖဲ မုၢ်လ့ၢ်ဧိၤဂီၤခီ ဖဲကၠဲၣ်ဒဲၣ်သမီပရၣ်ဃိၣ်ကရၢၢ်ပူၤ လၢ
ပိၣ်ပါဝတံၣ်သဝီ, ဘူးဒီးမိၣ်ကီၢ်စဲၣ်ယ့ကီၢ်စဲၣ်န့ၣ်လီၤ. စဲးဖီကဟၣ်လၢ တၢ်ဟ့ၣ်လီၤ မိၣ်ကီၢ်သီပၣ်တံၣ်, ပၣ်ဃုာ်ကါဖါ ဘီတရူၢ်ဟီၣ်ခိၣ်တခိၣ်, ကါဖါဘီခူၣ်
ဟီၣ်ခိၣ်တခိၣ်, ဒီးကါစိာ်တၢ်ကမှံၤခံခိၣ်လီၤ.

"ပသူစဲးဖီကဟၣ်ဝဲအံၤ လၢဟီၣ်ကဝီၤပနံာ်တၢ်ဘၣ်ဘျုး ဒီးပှၤတဝၢ တၢ်လဲၤထီၣ်လဲၤထီအဂီၢ် လၢဟီၣ်ကဝီၤအပူၤသ့, ဒီးလၢတၢ်ဝဲအံၤအ
ဖီခိၣ် ပကန့ၢ်ဘၣ်တၢ်မုာ်တၢ်ခုၣ်အဖီဖးထီၣ်ဒီးသၣ်ထီၣ်သ့လီၤ." နဲၤ ထီၤမိၤ, လၢအမ့ၢ်မိၣ်ကီၢ်သီပၣ်တံၣ် ပှၤပၢၤလီၢ်ဆ့ၣ်နီၤ, စံးဝဲလီၤ.


ကီၢ်ပယီၤပဒိၣ်ခိၣ်နၢ်အါဂၤ ဟဲထီၣ်ဒိကနၣ်တၢ်အမူး, လၢအကျါပၣ်ဃုာ် မိၣ်ကီၢ်သီပၣ်တံၣ် ပှၤပၢၤလီၢ်ဆ့ၣ်နီၤ ဒီးပှၤပၢၤလီၢ်ဆ့ၣ် နီၤခံဂၤတဂၤ, မိၣ်ကီၢ်စဲၣ်
ကိတိာ်ခိၣ်ကျၢၢ် ဒီးက်ထၢၣ်အ့စၤ ဒီးကီၢ်စဲၣ်ဘျီၣ်ဒိၣ် ဒီးကီၢ်စဲၣ်ပဒိၣ်ကရၢဖိတဖၣ်, ဒီးတၢ်မုာ်တၢ်ခုၣ်ခီမ ၡ့ၣ် ပှၤပၢၤလီၢ်ဆ့ၣ်နီၤခံဂၤတဂၤ, အူသ့စီၤလီၤ.
ကီၢ်ယပၣ်အမီၣ်သီဆူ ကီၢ်ပယီၤ, Mr. Ichiro Maruyama ဒီး Nippon Found- ation ပၢဆှၢနဲၣ်တၢ်အခိၣ် Mr. Yuji Mori
စ့ၢ်ကီး ဟဲထီၣ်ဒိကနၣ်တၢ်အမူးန့ၣ်လီၤ.

ဃုာ်ဒီးတၢ်မၤသကိးတၢ်လၢ ကီၢ်စၢဖှိၣ်တၢ်မုာ်တၢ်ခုၣ်ခီမၡ့ၣ် ဒီးမိၣ်ကီၢ်စဲၣ်ပဒိၣ်, Nippon Foundation ကမၤစၢၤတၢ်တိာ်ကျဲၤခဲ လၢာ်ယဲၢ်ခါလီၤ.
ဒ်မိၣ်ကီၢ်သီပၣ်တံၣ် ပှၤပၢၤလီၢ်ဆ့ၣ်နီၤ နဲၤထီၤမိၤ, အတၢ်ကတိၤလီၤအသိး, တၢ်ဟ့ၣ်လီၤစဲးဖီဟၣ်ဆူ မိၣ်ကီၢ် သီပၣ်တံၣ် မ့ၢ်ထဲတၢ်တိာ်ကျဲၤအဆိက
တၢၢ်တခါလီၤ. တၢ်တိာ်ကျဲၤလၢအဂၤ ပၣ်ဃုာ်တၢ်သူၣ်ထီၣ်တၢ်အိၣ်ဆူၣ်အိၣ်ချ့ဝဲၤလီၢ်အ သီ, ဒီးမိၣ်ဒီကလုာ်ကၠိ, တၢ်မၤဂ့ၤထီၣ်ဟံၣ်ဃီ, ဒီးတၢ်ဒုး
အိၣ်ထီၣ် စိလၣ်ဂံၢ်ဘါလီမ့ၣ်အူ လၢသဝီနွံဖျၢၣ်အဂီၢ်လီၤ.