ဘျီၣ်ဒိၣ်ထးခီပှၤပၢၤလီၢ်ဆ့ၣ်နီၤ, မါဝ့ခဲၣ်သဲ, လဲၤအိၣ်သကိးထံမဲးဝါခံ သဝီ, လ့က့ၣ်ကီၤဝ့ၢ်သီ လၢအအိၣ်လၢမၠးဝတံၣ်ကီၢ်ရ့ၣ်, ကညီကီၢ်စဲၣ်, မဟါ
တနံၤ ဒီးထံၣ်လိာ်အသးဒီး ဟီၣ်ကဝီၤကမျၢၢ်တ ဖၣ်လီၤ.

ပှၤပၢၤလီၢ်ဆ့ၣ်နီၤ စံးဝဲလၢအတၢ်ကတိၤလီၤတၢ်အပူၤလၢ အဝဲဒၣ်သူ တၢ်ဆၢကတီၢ် ဖဲဘျီၣ်ဒိၣ်တၢ်အိၣ်ဘှံးအခါ, ဒ်သိးကလဲၤတၢ်လၢထံကီၢ် ဒီတဘ့ၣ်
ဒ်သိးကကနၣ်ကမျၢၢ် ဒီးမၤစၢၤအဝဲသ့ၣ်အတၢ်ကီတၢ်ခဲအဂီၢ် လီၤ.

အဝဲဒၣ်စံးဝဲလၢ ဘျီၣ်ဒိၣ်အိၣ်ဒီးအမူးအဒါဘၣ်ဃး တၢ်တ့တၢ်သိၣ်တၢ် သီဘၣ်ဆၣ် အမူအဒါအိၣ်စ့ၢ်ကီးလၢကဘၣ်ဆဲးကွၢ် ဒီးထိၣ်ဃူထိၣ် ဃီၤပၢြပး
အစိကမီၤလၢအမ့ၢ် တၢ်စံၣ်ညီၣ်ပီတ့ ဒီးပၢြပးတၢ်စိတၢ်ကမီၤ န့ၣ်လီၤ. အဝဲဒၣ်စံးဝဲ, ထဲန့ၣ်မးဒီး တၢ်သူၣ်ထီၣ်ဒံၣ်မိၣ်ကရ့ၣ်စံၣ်ဒီးဖဲဒ ရဲၣ်ကီၢ်စၢဖှိၣ်ထံကီၢ်
လၢကမျၢၢ်ဆၢန့ၢ်, ကကဲထီၣ်လိၣ်ထီၣ်ဝဲန့ၣ်လီၤ. အဝဲသဆၣ်ထီၣ်ကမျၢၢ်လၢ ကတဲဘၣ်အီၤပျီပျီ ဘၣ်ဃးအ ဝဲသ့ၣ်တၢ်ဘၣ်ယိၣ်ဘၣ်ဘီ, တၢ်ဟ့ၣ်ကူၣ်ဟ့ၣ်ဖး,
ဒီးဟီၣ်ကဝီၤတၢ်လဲၤထီၣ်လဲၤထီအဂ့ၢ်အကျိၤလီၤ. လၢခံဒီး ထံမဲးဝါခံသဝီဖိတ ဖၣ်တၢၣ်ပီၣ်သကိးတၢ်ဂ့ၢ်လၢ အဘၣ်ထွဲဒီးအဝဲသ့ၣ်တၢ်ကူၣ်ဘၣ်ကူၣ်သ့,
ဆူၣ်ချ့တၢ်ကွၢ်ထွဲ, တၢ်သူၣ်တၢ်ဖျး ဒီးတၢ်ကီတၢ်ခဲဘၣ် ဃးတၢ်မၤန့ၢ်ထံအီတဖၣ်လီၤ. ဝဲၤကျိၤပှၤဘၣ်မူဘၣ်ဒါတဖၣ် စံးဆၢကဒါဝဲ ကမျၢၢ်တၢ်တၢၣ်ပီၣ်အ
ဂ့ၢ်န့ၣ်လီၤ.

ဘျီၣ်ဒိၣ်ထးခီပှၤပၢၤလီၢ်ဆ့ၣ်နီၤ ဝံၤစံးဝဲလၢ အရ့ဒိၣ်လၢတၢ်ကဘၣ်သ့ၣ်ညါ တၢ်လိၣ်လၢတၢ်ကဘၣ်ဆီတလဲတၢ်ကီတၢ်ခဲချ့ချ့အ ဂ့ၢ်လီၤ. အဝဲဒၣ်စံးဝဲလၢ
တၢ်ဟ့ၣ်ကူၣ်တဖၣ် တၢ်ကမၤနီၣ်မၤဃါ ဒီးတၢ်ကမၤထွဲလီၤ. လၢခံဒီး, ဘျီၣ်ဒိၣ်ပှၤပၢၤလီၢ်ဆ့ၣ်နီၤ ဟ့ၣ်လီၤလံာ်ဒီးကၠၢနၢၣ် လၢသဝီလံာ်ရိဒၢးအဂီၢ် ဆူလံာ်
ရိဒၢးပှၤဘၣ်မူဘၣ်ဒါ ဒီးဟံးစုကွၢ်မဲာ် ကမျၢၢ်တဖၣ် လၢတၢ်မဲာ်မုာ်နါဆၢလီၤ. တၢ်ဝဲန့ၣ်ဝံၤအလီၢ်ခံ, ဘျီၣ်ဒိၣ်ပှၤပၢၤလီၢ်ဆ့ၣ်နီၤ လဲၤအိၣ်သကိး လ့ကပီၤထံ
လီၤဆူ တၢ် အိၣ်ကသုၣ်ကသီအလီၢ် ဒီးတၢ်သူၣ်တၢ်ဖျးကရၢၢ် လၢလ့ကပီၤဝ့ၢ်သီန့ၣ်လီၤ.