ဖဲမုၢ်ယူာ်အနံၤထံကီၢ်ကမျၢၢ်တၢ်ကစီၣ်ပာ်ဖျါဝဲဒၣ်လၢကီၢ်ပယီၤဒီးနယူစီၣ်(သ်)ဝ့(လ)်ကီၢ်စဲၣ်လၢကီၢ်အီၣ်စြထ့လယါအံၤကမၤသကိးတၢ်ဘၣ်ဃးတၢ်ကူၣ်ဘၣ်ကူၣ်သ့ဒ်လၢတၢ်အၢၣ်လီၤအီလီၤအတၢ်ကွဲးနီၣ်ကွဲးဃါလၢ ဘၣ်တၢ်မၤအီၤဖဲဝ့ၢ်တကူၣ်အသိး န့ၣ်လီၤ.

တၢ်အၢၣ်လီၤအီလီၤအတၢ်ကွဲးနီၣ်ကွဲးဃါအံၤဘၣ်တၢ်ဆဲးလီၤစုမုၢ်ကျၢၢ်ခီဖျိဝ့ၢ်တကူၣ်ကသံၣ်ဖၠၣ်စိမိၤကၠိ နီၣ်ဂံၢ် ၁ ဒီး နီၣ်ဂံၢ် ၂ အံၤဒီး စ့ၣ်(တ်)နံၣ်(Sydney)ဖၠၣ်စိမိၤကၠိဒီး(Sydney)ကသံၣ်ကၠိသ့ၣ်တဖၣ်အဘၢၣ်စၢၤနယူလဲၣ်တၢ်ကစီၣ်စံးဝဲန့ၣ်လီၤ.

တၢ်အၢၣ်လီၤအီလီၤအတၢ်ကွဲးနီၣ်ကွဲးဃါဘၣ်ဃးတၢ်မၤသကိးတၢ်အံၤပၣ်ဃုာ်ဒီးတၢ်မၤဂ့ၤထီၣ်က့ၤကၠိသရၣ်/သရၣ်မုၣ်တဖၣ်အတၢ်သ့တၢ်ဘၣ်,တၢ်ဆီတလဲလိာ်ကၠိဖိတဖၣ်အတၢ်ရဲၣ်တၢ်ကျဲၤ,တၢ်မၤသကိးတၢ်ဃုထံၣ်သ့ၣ်ညါတၢ်ဒီးဖၠၣ်စိမိၤကၠိသ့ၣ်တဖၣ်ဒီးတၢ်ဆီတလဲလိာ်တၢ်ဂ့ၢ်တၢ်ကျိၤဒီးလံာ်ကွဲးပီးလီသ့ၣ်တဖၣ် န့ၣ်လီၤ.

တၢ်ဆဲးလီၤစုမုၢ်ကျၢၢ်အံၤဘၣ်တၢ်မၤအီၤဖဲလၢနယူစီၣ်(သ်)ဝ့(လ်)ကီၢ်ရ့ၣ်ခိၣ်မၤရံဘၣ်ရှၢၣ် (Marie Bashir) လၢကီၢ်အီၣ်စြထ့ လယါအတၢ်ဟဲဟးဝဲကီၢ်ပယီၤအဆၢကတီၢ်န့ၣ်လီၤ.

ဖဲလၢဘျီၣ်ဒိၣ်ထးခီကိတိာ်ခိၣ်ဒီးထံဂုၤကီၢ်ဂၤကိတိာ်ခိၣ် (Bob Carr)ဟဲဟးကီၢ်ပယီၤဖဲလါယူၤလံအကတီၢ်အၢၣ်လီၤဝဲလၢ ကဟ့ၣ်လီၤဝဲအီၣ်စြထ့လယါစ့ ၁၀၀ ကကွဲၢ်ဒီလၣ်လၢတၢ်ကမၤဂ့ၤထီၣ်က့ၤထံကီၢ်အတၢ်ကူၣ်ဘၣ်ကူၣ်သ့အဂီၢ်န့ၣ်လီၤ.